in

「劇本殺」搵真愛!《油麻地酒店殺人夜》推理緝兇 2日1夜刺激浪漫Staycation~

近年遇上疫情封關,最愛出埠去旅行嘅香港人只能轉戰本地staycation,由愛情生活資訊平台「港式情侶」(HKstyleCouple) 聯乘油麻地東南樓藝術酒店舉行《油麻地酒店殺人夜》劇本殺Staycation活動!

最近年輕人十分流行嘅「劇本殺」,遊戲係由玩家飾演劇本角色,透過閱讀角色劇本推理兇殺案或完整故事的內容。 主辦單位乘著呢股熱潮再加上單身配對嘅主題,將在6月下旬至7月份舉行兩日一夜嘅staycation活動,注意只限單身人士參加!相關遊戲內容、活動日期、報名程序,即看以下詳情啦!

上年主辦單位港式情侶舉行首個兩日一夜宿營Dating體驗大受歡迎,而今次聯乘油麻地東南樓藝術酒店,兩日一夜劇本殺酒店Staycation,除咗可以體驗一場精心設計嘅劇本殺之外,當然仲有一連串活動畀大家識下單身朋友!

今次劇本殺活動,以懸疑事件《油麻地酒店殺人夜》展開!參加者將會穿梭喺精心佈置嘅實景酒店兇案現場,利用真實道具推理案件並緝拿真兇。每位參加者都會被預先分配一個角色及相應劇本。玩家係嫌疑犯,同時亦係偵探,更有可能要秘密保護案件入面同你有特別關係嘅人,各位參加者更他經歷其他有關「緣分」嘅神秘活動。另外仲有多個神秘活動,如「深宵影院」、「board game night」及「微醺Beer Talk環節」等,與其他參加者體驗一場既刺激又浪漫的酒店Staycation!

《油麻地酒店殺人夜》詳情

場次日期:2022年6月24日-25日、6月25日-26日、7月1日-2日、7月2日-3日、7月8日-9日 ; 7月9日-10日

時間: 下午五時至六時左右集合 ; 翌日下午三時前完結 (待定)

地點:油麻地東南樓藝術酒店 

費用:$1050(已包住宿、晚餐、劇本殺及其他所有環節費用全包) 

報名表格連結:>>可按此<< (如果人數爆滿,會由主辦單位篩選。)