in

【夏日好去處】全港首個Ninja Force!近兩萬呎戶外極限體能挑戰場 多達18個障礙物考驗好過癮!

夏天將至,宜舒展筋骨,大家諗好去邊度玩未?有睇過嘅美國的真人秀闖關節目《American Ninja Warrior》嘅朋友,有無唸過自己身在喺香港都可以親身體驗一次,挑戰一個個難度重重嘅障礙物?其實香港首個户外「忍者極限體能」的運動場地已經開幕!位於元朗嘅Ninja Force,可以令你體驗一下「忍者極限體能」運動,喺大自然底下挑戰將身心推向極限!

位於元朗錦田嘅Ninja Force佔地一萬八千呎,為香港首個户外「忍者極限體能」的運動場地!場地競技設施由外國訂造,高度還原美國經典體育競技節目《American Ninja Warrior》以及日本長壽競技節目《TBS SASUKE》。而Ninja Force園內配套十分完善,大家除咗挑戰競技設施外,場地更設有小食與飲品販賣處、課前訓練中心、儲物櫃和露天休閒平台等。你仲可以一大班friends預約制燒烤爐派對服務和各種 Team Building、大型活動等!

而講到競技挑戰,全場總共設有遊樂級、體能挑戰級、巔峰競賽級等3個不同難度關卡,以及攀爬、平衡和重量等多達18個各式各樣的障礙物考驗,以供不同體能人士參與,所以大家唔洗擔心難度問題~

過程中,挑戰者需以「Swing」和「Climb」方式破關,根據傳統比賽規則,凡喺中途跌落黎,或者超過時間完成者則被視為淘汰!挑戰者除咗必須擁有過人的體能之外,心理層面的強度更為重要,須先瞭解破關的竅門,正確運用力量,同時保持冷靜的頭腦和判斷力,先可以過關。

Ninja Force資訊:

地址:元朗錦田水尾村 DD107 lot 1456
營業時間(需預約):
・星期二至五 11am – 5:45pm
・星期六、日及公眾假期 10am – 6:30pm

收費(每節90分鐘):
・成人|平日 $280/節;週末及假期 $300/節
・小童(15歲或以下)|平日 $145/節;週末及假期 $165/節
*5月7日(六)及9日(一)將開放即時入場,不需預約,分為10am、11:45am、1:30pm、3:15pm 及 5pm 五節。