in

【好人好事】屯門腦退化伯伯上的士忘目的地 司機耐心幫搵路 一個暖心舉動獲激讚!

家有患腦退化症長者的朋友們可能深有同感,經常害怕長者們獨自外出迷路,又擔心他們容易忘東忘西!而最近就有一名的士司機遇上一名獨自外出且患有腦退化症的伯伯,他非但耐心陪伴對方在屯門兜圈,最後更作出一善舉,舉動引來一眾網民盛讚!

該名的士司機上周四(14日)於Facebook群組「的士司機資訊網 Taxi」發帖,指自己遇上一名患有腦退化症的伯伯,表示想去三聖邨,但其實伯伯上車的地點正是屯門三聖邨!司機當時雖對伯伯所言感奇怪,但仍耐心地陪伯伯在附近行駛約6分鐘。期間,他更慢慢誘導伯伯回想自己真正的目的地。

「咩樓呀」、「知唔知咩樓呀?」

善心的士司機十分有耐心地誘導伯伯回想目的地。

最終,司機成功為伯伯找出正確目的地實為蝴蝶邨,而非三聖邨。

而令人最感窩心的是,司機最後竟只收取起錶的24元車資,此舉獲得不少網民大讚其善心!但卻有網民表示「應該唔收佢錢啦」。對此,司機其實也有其十分暖心的考量!

「唔收佢錢,佢會覺得自己專登坐霸王車……唔收佢錢對佢嚟講係侮辱,你接觸多啲呢類長者就明。」

來源:Facebook群組@「的士司機資訊網 Taxi」