in

【我老婆嫁左比Mirror導致婚姻破裂關注組】極度不滿演唱會安排 前夫怒言:永久關閉群組!

Facebook群組「我老婆嫁左比Mirror導致婚姻破裂關注組」成立短短一年時間爆紅,粉絲至今暴增至近36萬人,一同見證MIRROR的成長之餘,很多前夫亦由因為老婆關注而漸漸變成鏡粉。這一年間寄予無限量的支持。可惜近日的MIRROR演唱會惹來不少紛爭,由「黃牛票」到「實名制」,結果開售當天仍然有不少鏡粉撲空,或是「朝十晚八」累透了撲飛。雖然Edan及姜濤很快出來「撲火」,安慰粉絲希望下一次會有更好的售票方法。不過似乎已經太遲,一眾鏡粉已經極度失望,「我老婆嫁左比Mirror導致婚姻破裂關注組」的管理員凌晨出帖鬧爆演唱會安排,更怒言:「Mirror演唱會後永久關閉『我老婆嫁左比Mirror導致婚姻破裂關注組』」!

全文如下:


我對今次Mirror演唱會嘅安排感到極度不滿,為此,我宣布將會於Mirror演唱會後永久關閉「我老婆嫁左比Mirror導致婚姻破裂關注組」。感謝各位喺呢一年時間嘅關注及支持,同埋我兩位有咩事都撐我嘅Admin。
Mirror賣廣告,鏡粉衝住買哂佢
有Mirror卡抽,鏡粉一日三餐食老麥
Mirror出席活動,鏡粉早一日去排隊霸位
Mirror出新MV,鏡粉人肉loop到幾百萬view唔知為乜
Mirror出新歌,唔洗你比錢宣傳,佢地自己出錢出力搞應援
好喇,首個紅館演唱會
難買飛就預左啦,咁多人想睇
一睇個floor plan,喂黑洞咁嘅樣嘅?
比我嘅感覺係:
你眠乾睡濕養大個仔
想參加佢嘅畢業典禮
但,你要睇下好唔好彩先買到飛
一係你就幫襯校長個fd買份保險
一係就係canteen買24個月餐券
想坐靚位?買兩set丫
你地而加係將鏡粉對Mirror嘅愛綁架
你當鏡粉係ATM係水魚
錢係要賺,但食相唔係咁難睇掛
各位演唱會嘅主辦單位
你地係咪真係以為d鏡粉個個都幾億身家?
我地成日鬧黃牛
你地就自己做大黃牛
唔洗驚,今次實有人睇架
下次?唔知嚕
買唔到飛我無乜所謂
反正又唔係我睇
如果你唔知我嬲乜
你試下將上面「鏡粉」呢兩個字換做我老婆/我老母/我個女
咁可能會投入d

如此火爆的言論竟然得到不少鏡粉的同意及支持,短短3小時已吸了2萬7千個讚好及4千多個留言。更引發「退會潮」及「退MOX Bank潮」。

未知今次官方或花姐會唔會出嚟拆彈呢?

來源:我老婆嫁左比Mirror導致婚姻破裂關注組