in ,

【長沙灣搵食】$58餃子放題 40分鐘任食湯餃/煎餃+送飲品!抵食雲吞+石磨腸粉

位於長沙灣的囍麵5月初推出任食餃子優惠!只需$58一位就可以在40分鐘內食盡湯餃子及煎餃子,吸引到不少街坊到訪狂食!除了純手工餃子外,囍麵還有麻辣燙、招牌雲吞和即拉石磨腸粉同樣抵食。更有生水餃和鮮蝦雲吞讓客人外賣回家煮,附近的打工仔又有一大選擇!

每日鮮製純手工餃

店家一共推出3款任食餃子口味:韭菜豬肉餃、粟米冬菇餃和白菜豬肉餃。每隻餃子都是人手新鮮包製,可以選擇用湯或煎的方式烹煮。每款餃子皮薄餡多,而且每一隻都頗有份量!任食優惠仲會奉送每位一杯冷/熱飲品,又有得飲又有得食!

還有外賣抗疫優惠,冷藏生餃子和鮮蝦雲吞給客人外賣自己回家煮。

抵食手工粉麵+石磨腸粉

如果怕單吃餃子太悶,不妨考慮加單其他麵食、小食。小店供應各款手工麵和自家製即拉石磨腸粉,如雲吞麵、鮮豬潤麵、柱候牛腩牛筋麵等。其中石磨腸粉和雲吞麵都很受街坊歡迎!石磨腸粉更是老闆每日清晨起身動工,新鮮石磨米漿來做,有多達8款口味,如此有心思絕對值得一試!

囍麵  Hei Min

地址:長沙灣福華街586號地舖

電話:2402 1941

營業時間:11:00-21:00(星期六及公眾假期休息)

*放題只限堂食,供應時間由晏晝3點至夜晚9點。