in ,

【MV群組】C ALL STAR 安仔快速測試呈陰性報平安!10日陽性變陰性全紀錄~附飲食Tips+3大方法舒緩喉嚨痛!

更新:安仔今晚再更新第十一天的情況,他指第11天繼續陰性。雖然沒有喉嚨痛,但整個人仍然很混沌,繼續以中藥調理。同時分享了清淡的食譜清單,仲教大家舒緩喉嚨痛!

飲食

安仔指他大部份時間食糙米粥、有時加南瓜;薑蒜蒸三文魚及烚菜。生果方面則吃藍莓、士多啤梨及蘋果。他又提醒大家千萬不要吃煎、炸、焗的油膩食物及生冷食物。浸暖生果後才食用,醫師指不希望令喉嚨微血管收縮,以防病毒攻擊。

舒緩喉嚨痛

首先要學會沖「暖鹽水」:大約用100ml暖水加外賣熱飲匙羹平匙海鹽沖調。

方法一:第一個鐘用暖鹽水先洗鼻後漱口、第二個鐘用綠茶葉泡水漱口,之後把步驟重覆。

方法二:每次漱口後含黃豆大小的生蒜片,咬碎,大約10分鐘,忍受到味道的可以吞食。

鹽水綠茶與蒜頭的分別是殺不同的的細菌,避免細菌入氣管。

方法三:每日噴蜂膠三次,含天然umf20+蜜糖兩次 (徐徐咽下)

————————–

香港第5波疫情大爆發,AK MV拍攝群組中,歌手 C ALL STAR 安仔宣布確診,他一直有在IG更新近況,昨日終於報平安,快速測試呈陰性,代表逐漸康復,同時呼籲大家唔好掉以輕心!他在「Omicron日誌」分享的病徵與治療過程可供大家作參考:

Day1

喉嚨痕,右頸痛好似瞓矮頸。

Day2

味覺嗅覺無咁敏感,乾咳,夜晚有發冷出汗,朝早到左頸痛,超頭痛頭赤,無胃口。

Day3

瞓覺少少發冷,少少發熱出汗,頭好赤痛,無胃口,臨瞓開始喉嚨痛,嚟得好突然。

Day4

瞓醒喉嚨好痛,頭重,攰,胃口好啲。

Day5

喉嚨仍然好痛,有咳,有黃痰。

Day6

喉嚨痛無減,吞口水痛,食嘢飲水就無痛,無頭痛,無乜攰,無肌肉痛,有痰有咳,啲痰好似喺肺部深處,俾啲力深呼吸先咳到出嚟。胸腔位置有啲緊。

Day 7

喉嚨又熱又痛,呑口水超痛,感覺好似成個喉嚨都係飛滋咁,乾咳。照鏡,原來喉嚨有發炎同少少白點,所以咁x痛,即刻遙距睇中醫,教我洗鼻漱口,希望啲菌唔好落氣管。第一個鐘用暖鹽水洗鼻漱口,第二個鐘用暖綠茶漱口,感覺特別清雅🍵,然後重覆,做到瞓覺為止,即刻舒服好多。


最特別嘅方法係叫咬碎生蒜頭含喺口15分鐘,殺菌,就搞到我好想食台灣腸仔😂。

另外佢都教咗我買啲中成藥同藥房買到嘅西藥,感冒沖劑、板藍根沖劑、lysozyme,亦有問佢使唔使買連花清瘟膠囊,佢話唔可以亂食,一定要有中醫師診症之後先好食,大家留意喇。

再強調,我以上所講嘅藥都系睇完醫師先食,只啱我,人食你又食,就有機會令病情惡化。

Day 8

呢個溫度,加埋疫情,睇嚟冰河時期要嚟喇❄️。

今朝瞓醒,喉嚨好左至少三成,去到黃昏,飲多兩劑藥繼續洗鼻漱口食蒜頭多喝水,噴蜂膠含umf20+蜜糖,喉嚨起碼好返一半,舒服好多。

最忙係不停煲水同埋瞓覺,平均一日瞓15個鐘。

Day 9

喉嚨得返10%痛,不枉我努力每個鐘暖鹽水洗鼻漱口綠茶漱口。
瞓覺幾聲乾咳,瞓醒輕易咳出少量黃痰。無其他嘢,係繼續有啲眼瞓,食得好清,皮膚幾好。

快檢仍然係positive。

Day 10

今朝起身完全無喉嚨痛喇,少少咳少少痰少少攰。但噚晚食嘢突然少咗味覺,得返溫度同質感。

快速測試: -ve (陰性)

👨‍🏫醫師話唔可以掉以輕心,因為呢隻病毒好蠱惑,嚟緊幾日繼續努力漱口洗鼻含蒜片,食得清淡。

來源:on_callstar

中/日/韓/台 5 款「新冠病毒快速測試套裝」$78起!15分鐘有結果 一文看清邊款最啱你