in

洪永城囡囡100日大萌爆樣 老婆搞笑形容「洪永城扮女仔」黃翠如留言讚靚女

洪永城與老婆梁諾妍的囡囡Amber話咁快100日大,爸爸洪永城日前發文分享囡囡生活照,被一眾明星好友留言大讚可愛,媽媽Inez仲話好似爸爸,係「洪永城扮女仔」。

爸爸洪永城發文表示:「Happy amber 100 days 🎉🎉🎉祝你健健康康,好努力咁成長,爸爸希望好快可以帶你出去行街街,陪你喺草地上面玩跑跑,之後再帶你出去旅遊遊,帶你隻大眼睛一齊睇世界 🌏期待下一個100日1000日。」又感謝老婆Inez的功勞:「呢段時間辛苦媽咪」,更賣口乖讚老婆影相靚,可見兩公婆感情十分甜蜜。

一家四口幸福美滿

而媽媽梁諾妍亦表發文表未:「有個B仔100日啦🥳今日簡簡單單地過💛媽媽祝你日日都咁開心,恰爸爸唔好恰媽媽,同Molly 家姐一齊開心健康地成長,媽媽愛你💕」更搞笑形容:「洪永城扮女仔」

萌爆樣似足爸爸Tony
在家慶祝囡囡出世100日
Amber與愛犬Molly搞怪合照
一家四口温馨過聖誕
新手爸爸小心翼翼地餵奶,父愛滿瀉

由Tony和Inez上載的相可見,囡囡Amber的笑容與爸爸十分相似,眉眼亦有媽媽的神情,可謂是兩公婆「餅印一樣」!而二人娛樂圈的一眾好友亦紛紛讚好帖文,為B女Amber送上百日祝福。姚子鈴、江嘉敏、張寶兒等更留言笑指囡囡是「Mini版Tony」,Tony更搞笑回應:「deepfake嚟㗎」,親身認證囡囡與自己「換頭」一樣,而早前爭做契媽的黃翠如亦大讚「Beautiful girl」。

姚子鈴留言笑指「Mini Tony」
江嘉敏亦留言指同爸爸餅印一樣
張寶兒都指好似爸爸媽媽
黃翠如則讚Amber靚女