相隔三年，終於可以衝出香港去旅行喇！香港人最愛嘅小旅行地點，首選當然係澳門啦！澳門除咗有好多靚酒店同美食外，全新展覽空間 – 澳門teamLab超自然空間都好值得大家去朝聖。澳門teamLab超自然空間係全球十大必打卡展覽，唔使去日本就可以體驗超過53000呎超大展覽空間。每個展館都有獨特主題，訪客可以盡情投入到一個個特色空間中，以多種色彩同埋巨型作品打造成沉浸式藝術館，透過展館與人嘅互動及個人感受，創造出專屬於你嘅體驗，成為作品嘅一部分，一齊同大家睇睇有咩重點主題場館同埋Tips啦！
澳門teamLab體驗空間設有不同主題，場內立體交互空間具有高低差，視覺上好震撼。而且設計者希望每個人都可以隨心體驗，所以無設計官方地圖，體驗效果會因應每個人路綫選擇產生差異，每個人嘅體驗同感受都係獨一無二。
立即購票： https://bit.ly/3Ht5Apg
網紅打卡｜3大夢幻展館推薦
如果想打卡影靚相，一定要預留時間喺【花與人的窪谷：迷失、沈浸與重生】互動主題區。成個空間嘅地面、牆壁都開滿了彩色嘅花，好似行咗入去生滿花嘅窪谷入面咁。大家只要用手或腳觸碰牆面及地面，就會衍生出更多花，喺短短嘅時間入面，欣賞到成個生長到凋謝嘅過程，推薦大家喺呢個主題區拍短片留念！
小貼士：大家嚟到花花主題區，可以選擇影「不經意」Feel嘅相，側面、唔望鏡頭呢啲帶迷幻感覺嘅就最適合！
【無窮無盡的水晶宇宙】 係通過累積光點所創造嘅立體作品，大家可以用智能手機選擇元素並投入，創造出立體物形成新作品。同一空間入面每個人會相互影響，亦因為大家不同嘅選擇，令空間內無窮無盡地產生變化，十分壯觀唯美。
小貼士：大家記得一定要先下載APP，先可以參與選擇投入咩元素入去空間入面。呢到有幾個主要打卡重點，包括以光點作為背景、對鏡自拍等等，地下仲有鏡面反射，大家可以同自己嘅倒影合照。
【生死無盡交錯永恒】 展館唔係放映預先制作好嘅影像，而係通過電腦程序實時繪制而成，受到大家行為舉止嘅影響，持續發生變化。擺動觸摸完牆上嘅花後，花朵會慢慢散落；如果摸著唔郁嘅話，花會繁衍得更茂盛。呢個展館係真實世界嘅濃縮，日出日落、各種季節轉變、花開枯萎等等嘅自然現象，都會透過花朵種類、環境光暗呈現出嚟。
小貼士：展館中嘅影像每秒都會有變化，大家影相時不妨連續影多幾張，花朵散落喺身體不同位置都會有唔同感觀效果！
親子首選｜3大主題館特色體驗
如果同小朋友嚟放電，首選推薦以下3大主題館 -【彈彈跳跳床宇宙】、【水上彈跳的天才跳房子】及【滑梯水果園】，最有趣味同埋有挑戰性。
其中【彈彈跳跳床宇宙】嘅彈跳床係用特殊布料搭建而成，可以好多人一齊同時玩，下沉嘅幅度愈大就會跳得越高，夠哂刺激。跳動嘅時候，大家就好似宇宙中嘅星塵咁，不停移動漂浮，直至形成星球。
【水上彈跳的天才跳房子】其實即係以細個嘅「跳飛機」為設計概念，大家要跳躍前進，用彈跳方式跳到水面上嘅圖案，連續跳到同樣形狀的符號上，就會產生魚、蝴蝶同埋雀仔。另外，如果連續跳到同樣顏色嘅符號上時，顏色就會慢慢擴大。一掂到擴展到牆上嘅魚、蝴蝶同埋雀仔時，佢地就會變成顆粒消失。
【滑梯水果園】滑梯上投影出各種各樣水果及球體，人會化身太陽，當碰上滑梯上嘅球體時，接受咗太陽光能源嘅球體會向四周飛走。當同飛出去嘅球體碰撞時，就可以培育水果。不同顏色嘅球體都有不同作用，碰撞後會產生唔同反應，達至生物中「共生」現象。至於實際會有咩互動效果，就靠大家自己嚟體驗發掘！
小貼士：建議捕捉住人同光影互動嘅瞬間，簡單跳躍或者坐喺地上都可以。
注意事項｜teamLab打卡衣著小貼士
大家嚟到teamLab想影靚相，建議衣着以白色或淺色系為主，光影投射會更唯美。部分主題館地面以鏡面設計，女士們最好就唔好著短裙，以免走光。如果穿著傘形長裙，可以試下原地旋轉，無論係影相定拍影片都一樣咁夢幻！另外場內都有唔少高低不平嘅地面，為安全著想，建議唔好著高跟鞋、人字拖等等，著番舒適嘅平底鞋或者波鞋就可以影得更盡興啦！
門票資訊｜購票優惠指南
澳門teamLab超自然空間
地址：澳門威尼斯人金光會展展覽館F館
營業時間：11：00 – 19：00｜最後入場時間為18：15（建議參觀時間1-3小時）
門票：MOP188起，另設有兒童門票、2-4人家庭套票可供選擇
顧客憑澳門金沙度假區内任何一間餐廳收據購買《澳門teamLab超自然空間》門票，可享85折優惠；酒店住客憑澳門金沙度假區內任一間酒店（澳門威尼斯人酒店、澳門巴黎人酒店、澳門倫敦人酒店、澳門康萊德酒店、澳門金沙酒店）房卡購買《澳門teamLab超自然空間》門票，可享7折優惠。
立即購票：https://bit.ly/3Ht5Apg