in ,

盤點10大聖誕節煲劇清單 單身狗精選/童年必睇/最新劇集

聖誕節就到啦,唔少人都會出街同朋友聚會開party。不過亦都有好似小編呢啲孤獨單身狗喺呢啲節日中宅在屋企無所事事!依家就等小編推薦10套喺聖誕節必睇嘅電影,等大家聖誕節都可以感受節日氣氛!

《寶貝智多星系列》


細個每逢聖誕,明珠台必播系列。Kevin唔小心俾爸爸媽媽獨留喺屋企,期間賊人仲乘機入屋偷嘢。最後當然俾人小鬼大嘅Kevin趕走啦!睇住主角製造機關同賊仔鬥智鬥勇,真係非常過癮。小編細個仲會有樣學樣整機關惡搞父母。

《Emily in paris》 第三季

Netflix 人氣劇集Emily in paris第三季已經上架啦,呢次Emily要面對加入Sylvie 新公司定係留喺東家嘅兩難!喺愛情上,雖然同好友Camille約法三章,兩人唔會對Gabriel產生任何感情,不過Camille喺第二季季尾竟然打破規定!喺第三季裏面,仲發展出複雜嘅5角戀…

《佳節限定戀人》

敘述單身嘅Sloane為咗應付親戚各種提問,於是連同同樣討厭過節嘅傑克森達成協議,成為一年「節日情人」,不過兩人喺相處過程中卻擦出火花..

《去年聖誕節》

劇情描述一位處於職業樽頸,喺聖誕飾品店打工嘅Kate,遇見心地善良嘅Tom,並受到對方熱烈追求,透過Tom重新搵返人生目標。不過後來Kate發現咗令人驚訝的事實,結局非常溫馨且反轉,留待觀眾睇到最尾!

《聖誕傾情》

養尊處優嘅度假酒店女繼承人出咗滑雪意外,徹底失憶嘅佢喺聖誕期間,得到一位時運不濟嘅細度假屋老闆及佢嘅女兒悉心照顧,之後嘅劇情都係大家都估到嘅發展,不過值得留意嘅就係,女主角由好耐冇出現喺幕前嘅琳賽·蘿涵出演,不得不說,只要有佢出現就一定帶嚟聖誕氣氛。

《辣妹過招》

《辣妹過招》呢套電影絕對係經典中嘅經典。劇情唔使多介紹,同樣又琳賽·蘿涵作為女主角,劇入面嘅聖誕表演以及造型都令人印象深刻,電影成為唔少荷里活青春偶像電影嘅範本,Queen bee呢個反派設定,亦必定出現喺同類型戲劇中。而且仲捧紅咗Rachel McAdam以及Amanda Seyfried ,成為常駐荷里活愛情電影兩大花旦!

《銀河守護隊:假日特別版》

《銀河守護隊》第三部預計明年上映,而Disney+亦推出聖誕特別篇,更請來Kevin Bacon客串。故事講述童年時嘅星爵喺聖誕節有一段唔愉快嘅經歷,一眾隊員為咗令星爵渡過溫暖嘅節日,決定綁架星爵兒時嘅偶像!聖誕特別篇入面有唔少彩蛋,仲交代買螳螂女及星爵嘅關係。Marvel迷一定唔可以錯過!

《魔法奇緣2:再見魔法》

睽違15年,《魔法奇緣》第二部連同原班人馬再次回歸,故事延續上一部,男女主角一齊咗之後育有嬰兒,並即將迎嚟新生活。不過卻遇上重重困難,其後Giselle意外獲得一支魔法棒,並許願可以活喺童話世界。然而呢個願望亦似乎侵蝕Giselle心智令佢開始黑化…

《朱古力獎門人》

《朱古力工廠》係Johnny Depp出名嘅電影之一,從呢套戲開始奠定佢搞鬼幕前形象。電影由小說改編,Willy Wonka從世界各地搵到抽出金色獎券嘅幸運兒,通過一系列嘅試驗,揀選佢嘅朱古力工廠繼承人。電影入面到處都係唔同種類嘅糖果以及朱古力,小編細個睇個陣都希望可以成為Willy Wonka嘅繼承者。

《北極快車》

呢部2004年上映嘅電影講述主角男孩湯漢斯處於開始對聖誕老人嘅存在,半信半疑嘅年紀。不過當那年平安夜登上了北極快車。男孩親自見證咗聖誕老人嘅存在。