上深圳除咗買鮑師傅、KUMO KUMO芝士蛋糕外，仲可以買啲咩？近日，極具人氣話題的「the Roll’ING」由上海開到深圳卓悅中心，主要以瑞士卷為主，其瑞士卷更有「瑞士卷界愛馬仕」之稱，當中北京新店開張時，更曾有黃牛將其炒到去一條¥120，而深圳店開張後更引日日大排長龍，起碼要一小時才會買到！而且每人只可限購一條，每款都包住滿滿的忌廉，看賣相也十分吸引！
深圳店暫時只供應4款口味 ，包括法式濃郁芝士卷（¥39）、黑金抹茶芝士卷（¥49）、60%至臻生巧瑞士卷（¥49）以及大馬士革玫瑰荔枝卷（¥49）。瑞士卷每日人手製作，最早10時出爐，而且每款限量約40條。想去試就要早啲去排隊啦！不過要留意的是，瑞士卷會輪流交替發售，出爐時間不一，購買前記得留意店外的告示牌。
the Roll’ING瑞士卷最特別是會在餡中加入芝士，芝士味濃郁，入口即化，而表皮更是鬆軟綿密，奶香味十足！最多人推介是抹茶及朱古力味，抹茶味微甘，抹茶控至愛！而朱古力則夾有生朱古力，口感特別。建議瑞士卷在常溫的情況下，要一至兩小時內吃完，而冷藏則可擺放一日。
the Roll‘ING
地址︰深圳福田區福華一路卓悅ONE AVENUE商場東區B1層
營業時間︰10am-10pm
來源︰小紅書@小pink、好吃姐本人、 the Roll‘ING 沈陽店