
香港麥當勞$1滑嘟嘟奶昔!全新儲分功能 三大頭炮優惠 套餐減$10/免費新地筒
6 June 2025
Share to Friends!
早前瘋魔外國的人氣王滑嘟嘟奶昔,終於登陸香港麥當勞啦!滑嘟嘟奶昔今次以全新紫色杯身登場,杯上印有滑嘟嘟的招牌笑容,造型夠晒可愛,打卡一流。這款雜莓味奶昔主打酸甜清新,飲落帶點夏日感覺,之前已經喺美國、日本等地掀起搶購潮,今次終於登陸香港。連同「麥當勞 App」全新儲分功能一同推出,消費$1即賺1分。由6月9日早上11點起,麥當勞App會員只需用100分加$1就可以換到,每人每日限換一杯,數量有限,換完即止。

滑嘟嘟系列限量潮物
另外,滑嘟嘟系列限量潮物亦同步登場,即日起麥當勞App首次推出5款滑嘟嘟系列限量潮物,會員只需100分即可加指定金額選購,包括:人氣王滑嘟嘟保溫杯(+$200兌換)、人氣王滑嘟嘟棒球帽(+$150)、人氣王滑嘟嘟沙灘巾(+$100兌換)、人氣王滑嘟嘟手挽袋(+$50兌換)以及人氣王滑嘟嘟短襪(+$30兌換),滑嘟嘟Fans必須擁有!

App會員可點擊App內指定Banner到網上商店,麥麥選購心水潮物!會員只需以100分即可加指定金額選購心水滑嘟嘟系列限量潮物。換言之,會員可以首次消費任何食品即可獲取的100迎新積分加錢換購心水禮品!成功購買潮物的會員會收到換領QR Code,由6月9日(下星期一)上午11時起可到所選的指定麥當勞餐廳換領已選購之禮品。人氣潮物數量有限,售完即止。
全新儲分功能 三大頭炮優惠
麥當勞App將推出全新儲分功能,消費$1即賺1分!會員凡透過麥當勞App、櫃檯,或經自助點餐機點餐時選購美食,即可以邊食邊儲分換取不同獨家獎賞。為慶祝全新儲分功能推出,麥當勞App為會員送上三大至抵頭炮優惠!
首先,即日(6月6日)下午3時起至6月29日期間,麥當勞App會員首次消費任何食品即可獲額外100分!
第二, 6月9日(下星期一)上午11時起,麥當勞更推出全新人氣王滑嘟嘟奶昔,會員以100分加$1就可兌換,數量有限,換完即止。

第三,由6月9日(下星期一)起至6月15日,每日大派$10套餐現金券,適用於上午11時後,只需透過麥當勞App選購指定超值套餐,即可享立減$10折扣,邊食邊儲分。麥當勞App其他積分獎賞優惠包括100分換領超值早晨套餐減$3現金券、300分免費換領新地筒一杯,唔好錯過!




