香港多幅出現巨型貓貓壁畫！馬灣/觀塘/旺角/赤柱 網民like爆支持： 遍地開貓～

俄羅斯藝術家Vladimir Boldyrev早期喺香港嘅壁畫作品曾被政府洗走，卻獲香港小店餐廳大力撐！連同本地薑代表LeonLollipop的作品，全港多區都有貓貓壁畫，為香港添上色彩及可愛元素，無論係唔係貓奴都好想去打卡！網民好支持貓貓創作，仲話「刪一畫十，遍地開貓」。

以下呢4個貓貓壁畫遍布香港唔同地區，都係私人地方唔怕被洗走。各有特色，你又最鐘意邊個作品？

馬灣

馬灣一家新餐廳老闆可謂係Vladimir Boldyrev的伯樂，首先邀請Vladimir「再度出山」，於餐廳的背後小巷創作巨型肥貓店長壁畫，栩栩如生超可愛！

「馬灣小巷 My Deer Ma Wan Alley」正式開幕，只做外賣。除了有炸物小食、咖喱陳皮魚蛋、豬肉燒賣、串燒、糖水等；同時提供正餐鳳爪排骨飯、粟米肉粒飯、蔥醬雞扒飯配湯水等選擇。貓奴可以歎美食兼同時打卡。老闆多次提醒大家要遵守秩序，顧及街坊。影相時請先除低書包，避免刮花壁畫，希望大家能好好保護貓貓壁畫。

【馬灣小巷 My Deer Ma Wan Alley】
地址：馬灣田寮新村37號地下
電話：+852 6252 1688

觀塘

除了馬灣新餐廳的肥貓店長，觀塘近日再多一幅可愛貓貓壁畫，成為Vladimir在香港的「第四貓」。兩個作品都屬於私人地方，唔怕被洗走，貓奴可以去打卡！

今次為觀塘重新開業的西餐廳Factory 99揮筆，於樓梯位、平平無奇的牆身繪畫巨型貓貓，牆身更有可愛喵腳印，以及Vladimir的創作過程。近日已經吸引不少OL午餐時去食飯打卡，大讚令觀塘生色不少。

【Factory 99】
觀塘巧明街99號巧明工廠大廈1樓A室

旺角

旺角
繼續馬灣、觀塘後，旺角「光榮飲食」再邀請Vladimir出手，今次喺鐵閘畫上巨型「光榮招財貓」，並注入早前「汀九第二貓」的霓虹色彩元素，當時的作品生存不足兩星期，今次算係畀佢「重新復活」。而且這是後面鐵閘，日光都可以去打卡。

【光榮冰室】
旺角花園街3-5號鴻威大厦地下12-13號舖

赤柱

香港創作藝術家 LeonLollipop係赤柱海邊都有一幅巨型「托腮貓 Gloomie」壁畫，點可以唔支持一下本地薑！LeonLollipop將人氣角色「托腮貓 Gloomie」放大畫上香港三級歷史建築物的赤柱Beesy Bay，非常特別又搶眼。壁畫於9月時已經開放，只屬於限時出現，想去打卡嘅朋友就盡快啦～

另外，LeonLollipop的個人藝術展覽已經登陸中環，有興趣嘅朋友唔好錯過。>>詳情<<

壁畫位置：赤柱市場道 (Beesy Bay餐廳門口)