13層郵輪暑假遊高雄每晚低至$1212！限定LEGO®主題打卡船＋樂高®體驗

暑假又到喇！今年終於可以衝出香港，一家人出外玩，不過帶住小朋友同老人家，最怕舟車勞頓仲要拎住行李搵酒店，舒舒服服搭郵輪就最適合不過喇～今次推薦大家參加「名勝世界壹號」海上度假遊，有3日2夜高雄行程同埋4日3夜高雄及澎湖行程，名勝世界郵輪仲首次與樂高®合作，推出樂高®「郵」暑假限定主題郵輪航次，啱哂Lego®迷同小朋友參加！

「名勝世界壹號」13層高，船上設有多達十八項餐飲及玩樂設施，包括多國料理餐廳、羅馬泳池及滑梯、劇院、VR探索館同水療中心等等，家長帶小朋友放電後，可以再睇表演或者做SPA放鬆一下。

郵輪上較特別嘅「船中船」概念 —「The Palace皇宮」，共設有42間豪華套房， 配備全天候歐式管家禮賓服務、專屬設施及禮遇等。

今年名勝世界郵輪首次與樂高®合作，推出樂高®「郵」暑假活動，日期由7月12日到8月30日，郵輪將有不同樂高®佈置，家長可以帶小朋友慢慢發掘船上打卡位，航程中亦會有樂高®船長模型及樂高®水手人偶隨機出現與大家合照。Lego迷小朋友可於船上報名樂高®「郵」暑假探索套餐，包括郵輪上專屬樂高®體驗，工作坊及指定樂高®盒組乙盒，每位$288，名額有限，先到先得，小朋友完成所有任務後更可獲得畢業證書！

名勝世界壹號由啟德郵輪碼頭登船及離船，3日2日航程嘅第二日會停泊在高雄，碼頭附近有個全新地標連接海岸步道直達高雄海洋文化及流行音樂中心。大家亦可以選擇自行搭車出高雄市區，到訪自己喜愛嘅景點同餐廳，大歎台灣美食。

位於駁二藝術特區嘅「哈瑪星台灣鐵道館」，距離郵輪停泊碼頭只係大約15分鐘步程，絕對係親子好去處！入面有鐵道場景、軌道與火車模型，而且仲可以搭乘哈瑪星駁二線小火車，小朋友啱哂～未放夠電可以同小朋友去埋「鈴鹿賽道樂園」，除咗有擁國際水準嘅卡丁車賽道，仲有各項遊樂設施，以各式各樣交通工具嘅樣貌呈現，並從歐美引進遊樂設施，新奇又刺激！

如果想打卡可以去旗津星空隧道，88公尺長嘅隧道喺日治時期建造，當時係軍事戰備隧道，2005年後翻新成星空隧道，牆上有鯨鯊同魚群等等海洋生物嘅夜光彩繪，好夢幻！隧道仲設有自行車棧道，大家想漫步影相或者悠閒踩單車都得。

4日3夜航程除第二日停泊高雄港外，第三日會停泊澎湖，乘坐接駁船後就可以欣賞玄武岩柱大自然美景、跨海大橋、到訪天后宮等，海鮮迷記得唔好錯過海鮮土產！

有興趣暑假同家人朋友齊齊輕鬆出遊，一於參加「名勝世界壹號」海上度假遊啦！立即聯絡各大特約旅行社或預訂熱線 +852 800 938 887
詳情：www.rwcruises.com 

.

暑期Summer Fun 優惠

推廣期：2023年8月7日前預訂

適用航次：2023年7月23日 – 8月30日

• 2晚高雄（星期三出發）航次 | 船費7折及第3位免船費

第一位 HK1,819起／第二位 HK1,819起／第3位免船費

• 3晚高雄及澎湖（星期日出發）航次 | 船費8折及第3位免船費

第一位 HK$2,719起／第二位 HK$2,719起／第3位免船費

*條款及細則：暑期Summer Fun優惠只適用於指定2晚高雄（星期三出發）或3晚高雄及澎湖（星期日出發）航次之內側客房，海景客房及露台客房，名額有限，先到先得，額滿即止，並不可以同時與其他優惠使用。價格為每位成人佔用雙人內側客房計算，會隨客房供應情況而變動，所有資料只供參考，以預訂時為準，具體請參考合同條款。價格不包括服務費、港務費、旅遊保險、交通、簽證及其他額外費用。所有航線行程及價格如有任何更改，恕不另行通知。本公司對一切條款及細則保留最終決定權利。

.

部分圖片來源：香港辦事處臺灣觀光協會