聖誕好去處｜太古城中心冰上皇宮聖誕冰上匯演＋冰上倒數派對！一連兩星期花式溜冰/短道速滑/送出豐富獎品

喺香港都可以體驗歐洲白色聖誕，過一個凍冰冰得嚟又好玩嘅聖誕節！太古城中心冰上皇宮係港島區唯一一個室內真雪溜冰場，今個聖誕節以「冰之夜祭」為主題，帶來連串精彩活動，包括一連兩星期嘅聖誕冰上匯演，為大家帶來精彩花式溜冰及短道速滑表演，由國際冠軍級嘅頂尖花式溜冰高手同大家一同渡過聖誕佳節！同時，冰上倒數派對將會再度回歸，今次更請來《全民造星》人氣男歌手masonvibes張進翹同Zeno，加上獨立樂隊Kowloon K現身獻唱！除夕當晚更會送出多份豐富獎品，包括有機會贏台北雙人來回機票連三日兩夜住宿。有得玩、有得食，仲有禮物，精彩開心跨年！

聖誕冰上匯演

如果迷上睇「花滑王子」羽生結弦嘅演出，一定唔可以錯過今次嘅聖誕冰上匯演！屆時國際冠軍級嘅頂尖花式溜冰高手表演，包括美國全國花式溜冰冠軍、三屆世界冠軍花式溜冰團隊成員，同兩次ISU大獎賽獎牌得主Ryan Bradley；五度獲得溜冰國際賽事金牌、1998年度世界職業花式溜冰錦標賽銅牌得主Craig Thomas Heath；仲有香港首位冬奧短道速滑代表Christy Ren任家貝；以及一眾冰上皇宮溜冰學校的學員大顯身手，為各位帶來震撼眼球的視覺享受，一同欣賞冰上的旋轉與律動！

太古城中心冰上皇宮 聖誕冰上匯演

費用：全免

日期及時間：2023年12月15日至12月17日，18:00 - 19:30；

2023年12月22日至12月24日，17:15 – 18:00

活動詳情︰https://bit.ly/3v4FFBG

冰上倒數派對

冰上倒數派對將重臨冰上皇宮，請來《全民造星》人氣男歌手mansonvibes張進翹、新世代演員兼歌手Zeno顧定軒同本地新晉獨立樂隊Kowloon K將現身獻唱，配合光影帶來一場狂歡音樂派對！派對場地所有小食同飲品都係免費，可以一邊Chill著欣賞歌手獻唱，一邊享用美食。倒數時刻將以balloon drop形式灑落氣球，夢幻場景絕對能將氣氛推至最高點！

太古城中心冰上皇宮 冰上倒數派對

日期及時間：2023年12月31日，9pm - 12:10am

費用：$150/位，二人同行8折優惠

網上購票：https://bit.ly/3Rbp72m

大派豐富獎品

當晚會送出逾百份豐富獎品，包括台北雙人來回機票連三日兩夜住宿、免費半年溜冰貴賓咭、免費單堂溜冰課程*等，參與者入場更可獲得太古城中心冰上皇宮限定tote bag及太古城中心冰上皇宮買一送一入場券乙張，令大家喺新一年有更好嘅開始！

*推廣生意的競賽牌照號碼: 57970 (只適用於抽獎活動) ​

*當中4份獎品將透過抽獎獲得, 其餘100份獎品將透過遊戲換領獲得​

​
快啲約埋朋友一齊報名參加，二人同行仲有八折優惠：https://bit.ly/3Rbp72m