港島2大商場聖誕打卡熱點！貓奴必去5米高超巨型黃阿瑪宮殿＋90後童年回憶「Neopets」5隻3D尼奧寵物裝置首臨亞洲～

24 June 2025

Share to Friends!

踏入12月，全港彌漫濃濃嘅聖誕氣氛！各區商場都推出唔同主題嘅聖誕活動，小編今次推介港島區恒隆地產旗下兩大商場銅鑼灣Fashion Walk同山頂廣場嘅聖誕裝置，包括係必帶小朋友感受90後嘅童年回憶嘅傳奇虛擬寵物遊戲「尼奧寵物」Neopets，同貓奴必去嘅貓界皇帝「黃阿瑪」主題活動。充滿大大小小嘅打卡位同限量版商品，一家大細都啱玩，今個聖誕節一定唔好錯過！

山頂廣場 Peak Galleria - 「黃阿瑪的幻彩冬日樂園」

山頂廣場聯乘來自台灣超人氣貓界KOL《黃阿瑪的後宮生活》，舉辦為期2個月嘅「黃阿瑪的幻彩冬日樂園」活動！皇帝「黃阿瑪」與7隻後宮喵成員化身成大型聖誕裝置，設有3大打卡位，包括5米高嘅超巨型「阿瑪請安宮殿」震撼登場，仲有可愛賣萌嘅「小花冰屋貓窩」及「招弟歷險雪橇」，配合幻燈裝置，一眾貓奴有如置身喺8隻貓冬日宮殿之中，超有氣氛！

貓奴3大打卡攻略

貓奴見黃阿瑪，當然要先去請安！山頂廣場L3 觀景台變身一座5米高超巨型充氣宮殿，黃阿瑪嘅巨大身影坐喺紅磚設計嘅宮殿，牆身上面印有黃阿瑪與一眾後宮嘅頭像與肉球，可以去集郵打卡！

第二站來到「小花冰屋貓窩」，後宮嘅貓界賣萌代表小花一身白熊裝喺冰屋貓窩前等大家，冰屋外仲種植咗兩棵掛有黃阿瑪同其他後宮頭像嘅聖誕樹，仔細睇充滿驚喜！

招弟作為黃阿瑪非常寵愛嘅後宮，當然都有自己嘅主題小木屋。第三位「招弟歷險雪橇」有戴著冷帽嘅招弟喺小木屋點起柴火，大家可以坐上雪橇盡情打卡！難得黃阿瑪遠道由台灣到港，貓奴一定要把握機會見面！

【山頂廣場 Peak Galleria - 「黃阿瑪的幻彩冬日樂園」】

日期：即日起至2024年1月31日

地點：山頂廣場 L3 觀景台及L1中庭

仲有，山頂廣場喺12月及1月嘅指定周末同公眾假期，會喺L1中庭舉辦「冬日繽紛市集」，有多款手作設計、聖誕及寵物用品供各位貓奴選購，可以為你可愛嘅毛孩揀別具特色嘅聖誕禮物！

「冬日繽紛市集」

日期：2023年12月23至26日，以及2024年1月13、14、20、21、27及28日

時間：中午12時至晚上8時

地點：山頂廣場L1中庭

銅鑼灣Fashion Walk - 「尼奧寵物」Neopets

1999年推出嘅尼奧寵物遊戲於千禧年代風靡全球，各位90後一定玩過！呢個傳奇虛擬寵物遊戲「尼奧寵物」Neopets喺今個聖誕首次登陸香港銅鑼灣Fashion Walk！即日起至明年1月1日，銅鑼灣百德新街、食街同Fashion Walk商場中庭3個區域搖身一變成為夢幻嘅尼奧世界，設７大打卡位展出5隻首臨亞洲嘅大型尼奧寵物立體裝置，以及重現遊戲中的「摘星」體驗；仲有期間限定精品店。各位可以喺銅鑼灣捕捉多隻尼奧寵物，復刻歷險回憶！

Fashion Walk商場中庭上空有尼奧寵物經典角色旋柔（Shoyru）迎接大家；每個週末仲會送出主題氣球，小朋友一定好開心！場內設有尼奧寵物香港期間限定店，其中包括共12款角色的尼奧寵物時尚手機支架，另外仲有限量版尼奧寵物角色毛絨鑰匙扣、尼奧世界特別款倒數日曆、布袋等精品，全部可愛又實用，忠實Fans唔好錯過！

百德新街/食街

行完商場意猶未盡，出到街可繼續尋找奧寵動物嘅身影！走入百德新街，穿過金光閃閃嘅星形拱門，有如瞬間重回尼奧世界，重現「摘星」體驗，仲可以喺逾2米高嘅巨型聖誕禮盒佈置中體驗人氣遊戲海西蹺蹺板。百德新街仲會遇見尼奧寵物愛莎（Aisha）、旋柔（Shoyru）、卡奇（Kacheek）同酷爪虎（Kougra）。