聖誕跨年放假必備｜Disney+ 6大最新上線《What If…?》第二季＋荷里活大片《A.I. 創世者》＋經典美劇《欲骨查》全12季沉浸式煲劇
Share to Friends!
就嚟放聖誕新年假，怕條街多人其實留喺屋企一樣咁精彩！ 小編為你精心推介Disney+ 全新6大節目，包括原創動畫Marvel Studios《無限可能：假如…？》第二季有新角色加入，滿足Marvel粉嘅無限想像；仲有荷里活大片《A.I. 創世者》同《奪寶奇兵之命運輪盤》嘅緊張刺激。煲劇之選當然有改編自暢銷小說兼超強電影感嘅新劇《波西傑克森》，史上最長壽科幻劇《超時空奇俠》原創特備節目，同超人氣經典懸疑犯罪美劇《欲骨查》全12季上線，享受沉浸式煲劇。各位Marvel迷、美劇鐵粉準備好未？
1. Marvel Studios人氣動畫劇集《無限可能：假如…？》(What If…?)第二季
Marvel鐵粉必追！原創劇集《無限可能：假如…？》第一季贏盡口碑，第二季加碼繼續玩轉多元宇宙。今季將會引入全新角色，繼續將電影嘅經典場面扭轉，超級英雄會有意想不到嘅遭遇及改變，滿足Marvel粉嘅無限想像！而第2季嘅配音陣容同樣星光熠熠，將會重新演繹多個經典角色如涅布拉(Nebula)、「死亡女神」海拉(Hela)、「開心」Happy Hogan等，保證大家睇得更投入。
《無限可能：假如…？》第二季將於12月22日Disney+ 獨家上線，一連9日每日更新一集，每日都有新期待！
上線日期：12月22日Disney+ 獨家上線
2. 荷里活科幻鉅作《A.I. 創世者》(The Creator)
作為2023年年度科幻鉅作嘅荷里活電影《A.I.創世者》，話咁快Disney+ 就有得睇！近年AI議題爆紅，全球都在熱烈討論。故事講述一場A.I與人類嘅終極存亡戰。
電影由《天能》男主角John David Washington與Marvel Studios《永恆族》英藉華裔女神陳靜Gemma Chan擔正，作為前特種部隊成員嘅男主角擺脫不了妻子（陳靜）無故失蹤的悲傷之際，接到要摧毀「A.I.創世者」嘅新任務，發現外表純真嘅小童竟然係足以殲滅人類嘅A.I.秘密武器。電影引發觀眾探討如A.I. 有否意識、A.I.與人類是否必定二元對立等議題，被評為創新且兩小時毫無冷場，視覺特技同刺激動作相當震撼嘅電影，而且娛樂性極高，科幻迷又點可以錯過！
上線日期：現已於Disney+ 獨家串流上線
3. 經典賣座奪寶歷險系列 《奪寶奇兵之命運輪盤》(Indiana Jones and the Dial of Destiny)
《奪寶奇兵》嚟到最終章，絕對無唔睇嘅理由！夏里遜福寶力未老，與英國喜劇演員Phoebe Waller-Bridge擦出不一樣嘅火花。劇情講述考古學家鍾斯博士要尋找可以「改變歷史」嘅命運輪盤，將由摩洛哥出發，環跨世界歷險，展開驚險刺激的終極奪寶之旅。一系列火車追逐戰、戰機生死鬥、高速策馬等驚險動作場面仍然有驚喜。夏里遜福飾演嘅經典角色橫跨四十年，更公開表示今次係最後一次飾演Indiana Jones，同粉絲一齊喺呢趟奪寶旅程中畫上完美句號。
上線日期：現已於Disney+ 獨家串流上線
4.改編自暢銷世界小說、還原度極高！全新劇集《波西傑克森》(Percy Jackson and the Olympians)
《波西傑克森》改編自著名作家Rick Riordan的同名世界暢銷奇幻小說，Disney+ 找來新生代演員重新詮釋經典，更率先預告原著作者將擔任執行製作，一同參與改編劇集。迪士尼喺視覺特效預算上亦落足本，劇集充滿電影感，天馬行空嘅奇幻情節高度還原，令Fans相當期待！
劇集《波西傑克森》全系列一共八集，講述12歲男孩嘅奇幻故事。如同希臘神話一樣，半人半神嘅波西傑克森，被宙斯指控佢偷走閃電火，發現自己擁有半神自然力量。到美國與同伴展開尋回閃電火嘅旅程，為求恢復奧林匹克山嘅秩序。全新打造現代版神話故事，帶觀眾、粉絲進入奇幻而神秘嘅世界。
上線日期：現已於Disney+ 獨家上線
5. 史上最長壽科幻劇集《超時空奇俠》原創特備節目(Doctor Who Original Special)
講到超級英雄片嘅元祖，又點少得英國長壽科幻劇集《超時空奇俠》！劇中Doctor Who 擁有漫長壽命，每次死亡重生後，都會轉換不同年齡、外貌、性別。為慶祝科幻神劇60週年，Disney+ 推出全新4集原創特備節目，有第10任博士David Tennant 重磅回歸飾演第14任博士，各位粉絲，萬勿錯過！
上線日期：頭3集現已於Disney+ 獨家上線，第4集將於12月26號上線
6.經典偵探美劇《欲骨查》(Bones) 全12季上線
老粉要尖叫喇！經典美劇《欲骨查》全12季已於Disney+ 上線！當年喺明珠台每星期追一集，今次可以趁假期馬拉松式煲哂全套。《欲骨查》係一套以法醫為主題嘅犯罪劇情片，作為法醫人類學家兼小說家嘅Brennan，擁有異於凡人嘅技能，能根據受害者嘅屍骨分析出常人難以發現嘅線索。同FBI特工Booth合作無間，一同抽絲剝繭，還原真相破案。
劇集除咗滿足一眾犯罪推理迷，多位主要角色性格鮮明。其中男女主角嘅感情線更睇到粉絲相當肉緊。可以一次過睇哂實在過癮又爽！
上線日期：全12季現已於Disney＋上線
來源：Disney+