實測元朗超抵食燒味飯 爆餸雙併只需$30?!
最新
Share to Friends!
香港食飯越嚟越貴，有網民喺元朗驚現超抵食燒味飯。兩款燒味肉鋪到滿，差點連白飯都睇唔到，只售$30，真係抵到震！不過就有網民質疑真確性，份量足料得誇張，懷疑係賣廣告。不過亦有人聲援「元朗新忠輝出名多餸抵食」、「話假個D真係要去試下，呢間燒味一直以嚟嘅標準就係要見唔到飯」，今次記者就決定去現場實測！
「新忠輝」單併飯$28，而雙併飯亦只係$30，可以選擇燒肉、燒鴨、叉燒、燒排骨等等，選擇都頗多。
記者所選的叉燒燒鴨雙併飯十分足料，兩整排餸超吸引！
叉燒偏瘦較為乾身，建議大家下次可以請師傅斬肥叉或半肥瘦叉；燒鴨則帶有油香但不膩，而且啖啖肉！
忠輝燒鵝專門店
地址: 元朗又新街27-29J號建威大廈地下6號舖
電話: 22546488