銅鑼灣全新麻糬刨冰甜品店「Icegreen 氷舍 」！芋泥炒冰/芒果糯米飯/D24榴槤刨冰鋪麻糬軟糯拉絲

甜品控留意！最近銅鑼灣新開一間鮮奶麻糬刨冰甜品店「Icegreen 氷舍 」，提供多款冰品及甜品，包括刨冰、炒冰和冰杯、芋圓丸子、豆腐花、中式糖水等，當中招牌刨冰以D24榴槤和泰式芒果糯米飯刨冰最為推介，部分刨冰上更有更會加上鮮奶麻糬，令口感層次更豐富！

招牌刨冰提供10款口味選擇，創意口味包括法式焦糖、焦糖布甸、石榴皇等，最為推介D24榴槤（$78）及泰式芒果糯米飯口味（$68）！前者一大匙榴槤蓉及煙靭麻糬，每一啖都食到榴槤肉；後者刨冰綿密、口感順滑細緻，加上鮮甜芒果，最上層更鋪滿椰子奶蓋，啖啖大滿足！

炒冰一樣吸引，有10款口味選擇，推介芋泥炒冰（$48），表面同樣滿鋪麻糬，入口軟糯而拉絲，芋泥味重而足料。除冰品外，店內亦提供一系列甜品，如芋圓丸子、豆腐花、嫩滑雙皮奶、腰果糊等。

Icegreen 氷舍

地址：銅鑼灣謝斐道520號地舖
營業時間：3pm - 11pm（試業中）
電話：9459 3498

來源：Icegreen 氷舍 授權：IG@eatwithtzewing