深水埗基隆茶餐廳良心價早餐 $20火腿通粉連熱飲 網民：時光倒流價

近日有網民分享深水埗良心基隆茶餐廳抵食懷舊價早餐，$20就食到火腿通粉連熱飲，另加$5仲有煎蛋多士，實在係窮人恩物！樓主雖然認為價錢實惠，但份量較少，茶餐廳老板亦稱20蚊餐更適合女士。想飽肚啲，可以試試$25沙嗲牛肉麵配煎蛋多士。網民大讚「真是好平，旺角區要40蚊」、「超抵食！」、「性價比高，大推」！

懷舊價早餐共有3款，包括$20的火腿通粉或雪菜肉絲米粉、$25的沙嗲牛肉麵配煎蛋多士，隨餐附送熱飲、凍飲加2元、特飲加10元，供應時間為上午7時至11時。僅限基隆茶餐廳深水埗店供應。

授權：FB@Little Pat （香港茶餐廳及美食關注組）