直擊觀塘新春夜市! 80個攤位超多美食 串燒/粟米拉絲瀑布/日式梳乎厘/全港獨有火焰雪糕 免費開放到初七

各區都推出「日夜都繽紛」活動，今次小編就為大家直擊觀塘「龍騰觀塘新春夜市」！夜市逾80個攤位，當中包括熟食、乾貨、手作、花卉攤位等。小編於平日前往人流亦源源不絕，當中美食集齊日、韓、台、港多個地區美食，啱哂各位為食嘅朋友～夜市由即日起免費開放至年初七，有興趣嘅朋友記得快啲去啦～

阿拉伯&烤雞肉串$50/2串

場內有多間售賣串燒攤檔，小編嚟到其中一間「味龍美食坊」，提供多款烤肉類，包括阿拉伯烤肉（牛肉串）、烤雞肉串、烤茄子、八爪魚等。HKD$50可享有兩串美味厚肉串燒，表面更沾滿孜然粉及辣椒粉，滋味十足！

功夫中華冷麵 $30-$50

超足料冷麵$30可以選擇3餸，小編選了紫菜、海草、蟹籽3餸，配料滿佈表面，麵質彈牙，麵量十足，兩人分食亦非常飽！$50更有齊12種配料，性價比超高！

粟米拉絲瀑布$40

超吸睛的粟米拉絲瀑布表面鋪滿海苔碎，輕拌拉絲度超高，香甜的粟米融合鹹香味重的芝士，鹹甜交集，非常邪惡～攤位還有多款超抵飲的台式飲品，$20就有交易！

日式梳乎厘班戟 $30/$25

日式梳乎厘班戟超人氣！一入到夜市門口就可以見到梳乎厘攤檔大排長龍！一共有七款口味，包括提拉米蘇、抹茶紅豆、芒果、朱古力、芋泥、木糠及波波熔岩，仲可以添加$5麻糬，煙靭控必加！小編實測排隊20分鐘先買到。提拉米蘇梳乎厘班戟口感鬆軟，蛋味濃郁。

全港獨有火焰雪糕 $30

全港獨有的韓式火焰雪糕，以炙燒噴火槍-即時炙燒，有雲呢拿、朱古力及士多啤梨三種味道，表層為棉花糖，裏面包着冰冷的雪糕，咬一口冰火交融，口感十分特別～

夜市內更有多款美食，如美食如章魚小丸子、雞翼包飯、千層韭菜拉餅、韓式熱狗腸、台式蛋包腸、抱魚燒、雞蛋仔、蚵仔煎，各種美食應有盡有！食完仲可以去對面睇乾貨、花奔攤檔～

龍騰觀塘新春夜市

活動日期： 2024 年 1 月 25 日至 2 月 16 日

開放時間： 16:00 – 22:00 (星期一至四)、12:00 – 22:00 (星期五六日及公眾假期)

 位置： 觀塘市中心自由空間(裕民坊)

地址：觀塘同仁街（港鐵站A1出口或C3出口）

費用： 免費入場

圖、文字：PlayEatEasy