紅磡站特色食麥記！兩大快餐店設「烏蠅頭」座位打卡able！網興奮：可以喺車廂飲食

紅磡站食快餐，仲有特色「烏蠅頭」座位！於上年6日正式退役的「烏蠅頭」（又稱MLR）12卡港鐵列車，被放置於大埔林村河、灣仔海濱以及英華書院及小學。如今「烏蠅頭」列車更出現於紅磡站，供兩大快餐店食客使用，引起一眾網民討論，更有網民笑言「可以喺車廂飲食」。

「烏蠅頭」自退役後的保育措施一直備受關注，現在其座位投放於紅磡站麥當勞和美心MX中，令餐廳更具香港特色！憑圖片中可見除車廂座位外，有設有鐵架，並配以列車紅、藍的標誌顏色模仿車廂環境。

一眾網民大讚「正」、「設計幾好喎」、「堅靚！ 去打咭」，更有網民笑稱是「東記食堂」、「可以喺車廂飲食」

授權：FB@Ken Tai（香港鐵路動態追蹤組HKRG 《mtr group》）