荃灣70年老字號「民豐粉麵行」馳名糯米糍 花生/芝麻餡大大粒皮薄爆餡

位於荃灣的「民豐粉麵行」，創立至今已70年，主打麵粉類製品，平日店舖經常大排長龍，以皮薄爆餡的糯米糍最出名！早前更於元宵節在荃灣元宵市集設置攤位，並推出限定的開心果、 榛子、腰果口味糯米糍，更一度引起開心果關注組關注～

民豐粉麵行的糯米糍是自家製的，共有3款口味，分別是花生、芝麻、豆沙，由師傅每日即場包糯米糍，每粒糯米糍不但足夠大粒，更有陣陣糯米香，外皮不但煙韌，而且也十分薄，咬一口立即爆餡。當中無論是花生、芝麻餡料都十分香口，絕對抵食！

可惜開心果口味已經售完即止，店家表示如果有適合的人手與設備，有機會將開心果變成恆常口味！

除馳名糯米糍外，民豐粉麵行麵、水餃、湯圓、韭菜餅都非常出名，大家都不妨去試吓啦～

民豐粉麵行

地址： 荃灣荃灣街市街35號地舖

營業時間：星期一至日08:30 – 22:00

授權： IG@Yung_foodkee、fibee3b、cy.cafelov 、hktablefor2、daiwailiz

來源：民豐粉麵行