Disney+ 5月片單強勢登場 | 小編私推煲劇睇戲清單！集齊金像猛片/韓劇/陸劇/動漫/迪士尼動畫

5月份冇乜連假去旅行，放工返屋企靜靜煲劇、睇戲就係最好嘅差電！小編私心推介Disney+ 5月精選片單， 8 部大熱劇集同電影包括有古裝神劇《慶餘年第二季 》原班人馬重磅回歸、偉仔六度封帝嘅港產片《金手指 》、奧斯卡得獎猛片《可憐的東西 》；仲有韓劇迷必追、康城影帝宋康昊嘅《逆貧大叔 》、被封「年度神劇」嘅《幕府將軍 》亦獨家上線，另外有動漫、動畫等推介，保證唔會戲荒！

1.《金手指》｜現已獨家上線

鐘意睇懸疑劇情犯罪片必睇《金手指》！《金手指》不但喺今屆香港電影金像獎連奪6獎，全球票房更勁破港幣7億大關，絕對係今年必睇大作。由兩大影帝梁朝偉同劉德華繼《無間道》後久違18年後再度合作，重現八十年代轟動全球的「佳寧詐騙案」。

《金手指》主要講述喺80 年代時期，上市公司嘉文集團由迅速崛起到清盤嘅全過程，身為幕後老闆嘅程一言(梁朝偉 飾)更由股民偶像變成過街老鼠，當中仲涉及幾單兇殺案，多個相關人士相繼死亡，到底佢哋喺死於意外定喺有人操縱之下？梁朝偉近年勇闖荷里活，難得回歸港產片，更憑電影第六度封影帝，作為香港人又點可以錯過～

2.《慶餘年第二季》5月16日19:30獨家上線 | 首播日一口氣上線5集，新集數每晚7:30更新

相隔五年，《慶餘年第二季》萬眾期待上線！今季原班人馬包括張若昀、李沁、陳道明重磅回歸，絕對滿足劇迷心願！《慶餘年》首次上線就引發追劇熱潮，而第二季更創下超越1,300萬預約觀看人數，絕對喺全城期待嘅劇集之一！《慶餘年》第一季講述一位身世神秘的少年范閒（張若昀 飾）因為屢遭暗殺而對自己的身世感到好奇，希望破解自己出生嘅秘密。第一季結局中，與范閒同一陣線嘅言冰雲（肖戰 飾）竟黑化反殺佢一刀，睇到人相當肉緊！

期待終於結束，《慶餘年第二季》，范閒不單止會滿血回歸，仲會一步步揪出真正嘅幕後黑手，並再面臨更加複雜的局面、更棘手的難題，到底會點樣對抗二皇子（劉端端 飾）同長公主（李小冉 飾）等人嘅威逼與生死考驗，並實踐母親葉輕眉嘅理想？準備好煲劇馬拉松未，5月16日起一齊追落去！

3.《逆貧大叔》5月15日獨家上線｜新集數逢週三上線

由韓國首位奪得康城影帝，因為《上流寄生族》、《孩子轉運站》揚威海外的宋康昊領銜主演，出道33年來首度現身電視劇，韓迷又點可以錯過！唔止聯同演技派型男卞約漢共同演出，仲有少女時代嘅Tiffany特別客串，絕對係強勢班底！《逆貧大叔》背景設於韓國60年代，社會動盪下願景為人人有一日三餐温飽飯嘅「三食叔叔」（宋康昊 飾），遇到擁有相同理念嘅理想主義者金產（卞約漢 飾），二人攜手合作，致力實現熾熱嘅夢想，希望可以為韓國帶來繁榮！

《逆貧大叔》將於5月15日獨家上線，全劇共16集，新集數逢週三上線，有睇開宋康昊「逆權」系列嘅戲，一定都要嚟睇睇佢嘅第一部電視劇，一齊再次感受佢嘅熱血！

4.《可憐的東西》｜現已獨家串流上線

《可憐的東西》絕對係年度必睇外語片！橫掃奧斯卡四大獎項，飾演女主角貝拉嘅Emma Stone更二度封奧斯卡影后，就知實力有幾強。

電影改編自著名蘇格蘭作家Alasdair Gray以及贏得享譽文壇嘅同名小說，講述自殺身亡嘅貝拉被古怪科學家救活，仲將佢肚中的嬰孩腦袋移植俾佢。貝拉如同成為嬰孩，將以初生的心智毫無禁忌地探索情慾同世界，故事天馬行空荒誕離奇，風格怪異，反而令人耳目一新，新鮮感十足，而且服裝極為華麗，絕對係視覺上嘅盛宴。

5.《鬼滅之刃：柱訓練篇》5月26日晚上11:45上線

鬼滅之刃最新篇章嚟啦！日本超人氣動漫《鬼滅之刃：柱訓練篇》即將上線，主角竈門炭治郎身材變得充實 ，背肌、二頭肌、胸肌、腹肌都超明顯，炭治郎嘅身材更一度掀起熱論！

《鬼滅之刃》係由2016年開始嘅連載漫畫作品，目前發行本數已突破一億五千萬，今次改編嘅《鬼滅之刃：柱訓練篇》喺出自原作漫畫第 15~16 集的章節，主要描寫炭治郎眾人為了與鬼舞辻󠄀無慘嘅最終決戰，將接受鬼殺隊中所有「柱」嘅魔鬼訓練，難怪炭治郎變到咁大隻！

6.《怪獸開工》第2季｜全劇共10集現已獨家上線

「毛毛」、「大眼仔」等一班「怪獸公司」老朋友你我由細睇到大，今季繼續由搞笑專員泰勒做主角！泰拿特蒙做搞笑專員跌跌撞撞，友誼更面臨著最終的考驗，就連競爭對手能源公司 FearCo 前來挖角時，怪獸公司的同事開始質疑佢嘅忠誠度，到底他會唔會搵到自己喺公司真正嘅歸屬呢？值得一提，毛毛、大眼仔同強尼等等怪獸大學嘅朋友仔都會出現！啱晒一家大細一齊睇，小朋友笑死，大朋友都會會心微笑～

7.《幕府將軍》｜全劇共10集現已獨家上線

被激讚稱為繼《權力遊戲》後嘅又一「年度神劇」《幕府將軍》全部集數現已於 Disney+ 獨家上線，劇集獲全球影評、網站高度評價，絕對是信心保證！改編自英國小說家James Clavell的暢銷代表作，以真實歷史和人物德川家康為創作原型，帶觀眾回到公元 1600 年正值百年內戰嘅日本。當時日本處於內亂與紛爭不斷嘅狀態，一名英國航海員突然闖入，意外成為一連串權力鬥爭、政治角力的核心。

《幕府將軍》於開篇就展現了極盡視覺觀能刺激的元素，血腥、暴力、情慾等戲碼，拍攝手法大膽，場面逼真震撼，全方位緊扣觀眾心弦，而且美術還原度更是極高，充滿傳統日本的文化風貌。

8.《Taylor Swift | The Eras Tour (Taylor's Version) 》｜現已獨家上線

Taylor Swift嘅演唱會門票一票難求，今次坐定定喺屋企都欣賞到樂壇天后嘅完整版演唱會！ Disney+ 獨家上線嘅版本Taylor Swift | The Eras Tour (Taylor's Version) 》仲額外收錄歌后大熱歌曲《Cardigan》，以及4首從未於電影院版本或串流曝光的不插電版本歌曲，電影將近3小時，足本程度令Swifties極為感動！

電影以純記錄演唱會嘅形式讓觀眾以多角度欣賞Taylor Swift喺舞台上的風姿！一於約埋成班Swifties喺屋企，邊睇邊一齊唱！

咁多精彩猛片，快啲去Disney+ 揀今晚睇乜啦！

即睇：https://bit.ly/3JWmhey