大閘蟹季節來了！深圳超人氣抵食3大蟹店 極品黃油蟹/蟹黃瀑布拌飯/香辣膏蟹
最新
Share to Friends!
秋意漸濃，又嚟到大閘蟹季節啦！小編為大家精選咗三間深圳大閘蟹靚店，包括以蟹黃瀑布拌飯聞名的「蟹一品」、福海樓必食的極品黃油蟹、輝記海鮮燒烤7斤重的大閘蟹，絕對食過返尋味！
1.蟹一品｜蟹黃瀑布拌飯
「蟹一品」的蟹黃瀑布拌飯深受港人歡迎！小店的蟹黃瀑布包含蟹粉、蟹黃、蟹肉、蟹膏，可選擇撈飯或撈麵，香氣十足兼味道濃郁，店內更提供免費續麵，鐘意蟹黃的絕對要一試！店內還有黃金酥脆的蟹粉春卷，裡面是蟹粉及肉餡，咬一口立即爆漿，滿足各位愛吃蟹人士！
蟹一品·蟹黄面(海岸城店)
地址：海岸城保利文化廣場2樓A2-09
來源：小紅書@一個深圳混子、肚幾好餓
2.福海樓｜極品黃油蟹
福海樓以黃油蟹聞名，由於黃油蟹生長需要純天然環境，不可受人工干預，因此極為珍貴。福海樓提供法煎精品黄油蟹和清蒸黄油蟹，清蒸的保留黄油蟹本身的鮮香，口感軟糯鮮美；古法煎製的更是回味甘香，更添濃郁風味。蟹膏和蟹黃交織其中，香甜鮮美的蟹肉汁液與濃郁的蟹黃緊密結，呈現出半油半膏的獨特口感，抵食又高質！
福海樓·黃油蟹
地址：福園一路30號鵬盛美食文化園原院內 （近國展南地鐵站）
地鐵：12號線福海西A口步行960m
營業時間：11:00-22:00
來源：小紅書@咘嚕咘嚕、无所事事戴蜀黍、芝士可可醬
3.輝記海鮮燒烤｜7斤重大閘蟹
輝記海鮮燒烤是深圳海鮮燒烤聖地，售賣大隻又新鮮的海鮮燒烤！其中7斤重的阿拉斯加大閘蟹更是必點，滿足愛蟹人士的食蟹願望～而店內更提供香辣膏蟹，每隻都爆膏，襯上辣辣的味道，更是惹味！
輝記海鮮燒烤
地址：福田區南園路9號
前往方法：一號線科學館站F出口350米
營業時間：18:00-00:30
來源：小紅書@總是吃不飽、Kevin凱文凱文、櫻桃寄杞子、一缸米、koala bb