澳門好去處｜不私藏澳門遊小眾路線！2024幻彩耀濠江絕美燈飾光影盛宴+文青靈魂掃描展

24 June 2025

Share to Friends!

踏入年尾，緊係要約埋親朋好友一齊欣賞璀璨燈飾，打卡影靚相，過一個充滿儀式感嘅聖誕同時，迎接新一年嘅到來！為慶祝澳門特別行政區成立25周年，澳門旅遊業界為大家舉辦一系列精彩年終盛事，當中當然唔少得大家期待已久嘅年度幻彩耀濠江！除咗有各大夢幻燈飾裝置，仲有互動裝置及光雕表演畀大家盡情打卡，齊齊歡渡冬至、聖誕節、除夕、元旦、農曆新年、情人節、人日及元宵節等節假日～如果大家未plan好重要節假日去邊玩，記住bookmark住啦！

2024幻彩耀濠江

講到年終盛事，當然唔少得年度幻彩耀濠江！為慶祝雙慶年，即日起至2025年2月28日期間，幻彩耀濠江以「時空的共融」為主題，大玩燈光藝術，由18位海外、內地及港澳的藝術家及國際團隊通過旗艦裝置、藝術裝置、夢幻燈飾裝置、互動裝置及光雕表演等形式，以光為筆，以影為墨，務求為大家帶嚟絕美沉浸式視覺享受，精心打造一場穿越時空嘅光影盛宴，將澳門變成一個璀璨嘅燈光世界，為冬季增添浪漫氛圍，絕對係一流嘅打卡好去處！

幻彩耀濠江共有6個分支主題加6區，當中包括6個旗艦裝置、4個藝術裝置、12個燈飾裝置、9個互動裝置及3個光雕表演，活動覆蓋澳門半島、氹仔及路環的6個區，包括：下環區「未來之脈」、南灣區「海洋之息」、新口岸新填海區「光華盛世」、北區「夢繪天地」、氹仔區「匯藝風情」和路環區「漁光葡影」。

「2024幻彩耀濠江」三場主題光雕表演閃亮上演，當中除咗有來自日本的光雕表演隊伍以「Create the Future」為題嘅作品，仲有本地徵集脫穎而出的「雙・連」及「100 FUN」，演出於每晚7點至9點半會喺澳門科學館前地或氹仔消防局前地上演，絕對唔可以錯過呀～

大家只要喺6區任何一個活動裝置現場打卡，標註 #2024幻彩耀濠江或 #lightupmacao2024 或 #iluminarmacau2024，Share到Social Media，並集齊指定數量的LIKE數，即可於諮詢站領取該區專屬紀念品！大家仲可參與集章遊戲及「麥麥接接樂」換取發光香薰座，人人滿載而歸～今年還特設「旗艦裝置尋寶記」及特別為12月份慶祝澳門回歸25周年的「幸福層層塔」 (北區期間限定)，大送旗艦裝置手機架及北區限定小禮物，禮品數量有限，換完即止，大家一定要把握機會！

活動期間，逢周六晚上8時至9時，6區特定地點將有唔同快閃活動，包括：巨型充氣公仔、電子琴表演、趣味扭波波、親子工作坊、卡通彩繪、Mini band、親子打鼓互動、吉他表演及電子大提琴演奏等精彩活動，畀大家過個超滿足的熱鬧週末～

2024幻彩耀濠江
日期：即日起至2025年2月28日
*光雕表演於活動期間每日晚上7時至9時30分上演，每30分鐘一場，每場展演約5分鐘。
欲了解更多活動詳情，歡迎瀏覽“2024幻彩耀濠江”網站（https://lum.macaotourism.gov.mo）及關注旅遊局官方微信（MGTOweixin）。

「cAI™：靈魂掃描」展覽

唔少人去澳門都會參觀澳門最古老的廟宇——媽閣廟，求求學業、姻緣～大家嚟到澳門下環區，除咗各款環球美食、打卡美景，記得唔好錯過同樣非常值得去嘅文青藝術展覽！當代藝術家蔡國強與團隊量身開發的AI模型cAI™以藝術家身份，於澳門下環區社區內嘅海事工房1號空間，舉辦其全球首次個展《cAI™：靈魂掃描》!

《cAI™：靈魂掃描》展覽的靈感來自澳門逾四百年的媽祖信俗及媽祖南傳歷史，cAI™喺蔡國強引導下，深度學習澳門豐富歷史和人文精神，變身為「火藥畫家 cAI™」、「煙花大師cAI™」，和「占卜師cAI™」，為澳門量身打造約20組全新以AI科技與藝術融合嘅作品～

展覽內容包括cAI™生成的自述、「火藥畫家cAI™」的首次「畫展」、與澳門觀眾共創煙花的互動裝置「煙花大師cAI™」，以及由「占卜師cAI™」打造的機械臂互動裝置《cAI™占卜屋》，讓整個展覽充滿驚喜！當中《cAI™占卜屋》由AI技術幫大家占卜，只要喺白沙下寫低自己嘅生辰數字，喺心入面默念問題，就會獲得籤文，相當值得體驗！