3COINS香港店價錢將同日本睇齊！HK$18入手爆紅防水襪

日本人氣雜貨品牌3COINS即將進駐香港希慎廣場，最大亮點係所有商品價錢將會同日本睇齊，唔使再飛日本都買到平價又實用嘅生活雜貨。官方更會喺店內設有日圓兌港幣換算表，方便大家即場比較價錢，買得更安心。產品售價會根據日圓匯率作出調整，務求保持與日本同步，令大家可以用最抵價入手心水好物。

店內每月更會有約800款新商品上架，包括生活小物、寵物用品、廚房雜貨等選擇多。即率先睇香港店精選商品同價錢！