每年11月嘅澳門都相當精彩，今年仲有重頭戲「第十五屆全國運動會」（澳門賽區）即將開鑼！火炬傳遞之後，全城全城氣氛熱烈，一齊期待緊11月9日開幕嘅第十五屆全國運動會（澳門賽區）！小編幫大家整理咗「全運會澳門攻略」，欣賞連串精彩賽事，支持心水運動同運動員！

攻略1：鎖定賽事目標

今次澳門賽區將會上演5場國家頂級水平嘅對決，分別喺唔同嘅星級場館舉行：
乒乓球： 銀河綜藝館
3人籃球： 永利皇宮南門戶外草坪
5人籃球 (男子18歲以下組)： 新濠影滙綜藝館 及 塔石體育館
排球 (女子成年組)： 威尼斯人綜藝館 及 澳門東亞運動會體育館
空手道： 澳門綜藝館

攻略2：買飛入場，親眼觀賞精彩賽事

想親身入場感受氣氛，門票由澳門幣60起，可從線上、線下不同渠道買飛。今次亦採用實名制買飛，熱門項目每場次每個訂單限購3張，普通項目每場次每個訂單限購6張。購票人必須提交真實身份資訊，同一個有效證件僅可購買同一場次1張體育比賽門票。

1. 網上購票準備： 由即日起，大家可以先通過官方票務平台完成實名註冊。成功註冊後，就可以喺項目門票正式開售時，登入平台撲飛！

2. 澳門賽區線下銷售點： 

塔石體育館 (澳門東望洋街，塔石體育館 exhibition 廳旁)
望廈體育中心 (澳門俾利喇街及馬交石斜坡交界)
奧林匹克體育中心-運動場 (澳門氹仔奧林匹克大馬路)

更多購票詳情，請參閱官網

除咗全運會，第十二屆全國殘疾人運動會暨第九屆特殊奧林匹克運動會將於今年12月8日至15日喺澳門登場！作為澳門規模最大嘅殘疾人士綜合運動會，唔單止係體育競技大舞台，更係體現社會人文關懷同文明進步嘅重要時刻，絕對值得大家支持！快啲去撲飛、Plan行程，來一趟不一樣的熱血澳門之旅啦！