【澳門好去處2025】第72屆澳門格蘭披治大賽車行程全攻略！購票詳情/周邊活動/美食

年尾放假想近近地畀自己嚟個快閃食玩買之旅，澳門絕對係不二之選！每年11月，全球矚目嘅「第72屆澳門格蘭披治大賽車」將由11月13日至16日火熱舉行。作為被公認為世界最佳街道賽事嘅國際賽事，年年都吸引著眾多賽車迷同遊客慕名觀賞～今次小編就幫大家整合第72屆澳門格蘭披治大賽車全攻略，即睇下文！

第72屆澳門格蘭披治大賽車

講到澳門11月最熱血嘅活動，非「第72屆澳門格蘭披治大賽車」莫屬！每年一到賽事舉行，成個澳門半島就好似化身超巨型賽車場，連觀眾都可以近距離聽到引擎咆哮聲、感受到極速過彎嘅刺激感！

呢場街道賽事自1954年開始舉辦，係全球唯一同時舉行汽車同電單車街道賽嘅國際賽事。今年第72屆澳門格蘭披治大賽車將於11月13至16日舉行，當中包括七項精彩賽事：

1. 澳門格蘭披治大賽–國際汽聯FR世界盃
2. 澳門GT盃–國際汽聯GT世界盃
3. 澳門東望洋大賽–Kumho國際汽聯 TCR世界巡迴賽澳門站
4. 澳門四級方程式大賽–國際汽聯四級方程式世界盃
5. 澳門格蘭披治電單車–第五十七屆大賽
6. 大灣區GT盃(GT4)
7. 澳門路車挑戰賽

賽事設有三大看台位置，包括葡京灣看台、水塘看台，以及大看台。門票由澳門幣100起，可從線上、線下同渠道買飛。連滿兩歲或以上就需要購票入場，每人每次限購最多10張門票。

更多購票詳情，請參閱官網。

澳門大賽車博物館+新cafe 『咖啡看台』

如果想深入了解呢場盛事背後嘅故事，一定要去「澳門大賽車博物館」！博物館位於高美士街431號，喺 2021 年正式開幕，畀大家重溫大賽車呢項獨特賽事的非凡歷史，親身感受賽車運動的精彩同刺激！

館內展出咗多款歷屆戰車同埋電單車，仲有多款經典賽車、冼拿（Ayrton Senna）嘅真跡賽車服、互動模擬器等，仲有互動體驗區俾你親身感受賽車手嘅心跳加速！

近年澳門旅遊局仲同香港杜莎夫人蠟像館合作，於2023年3月27日起於澳門大賽車博物館展出8位知名賽車手的蠟像，當中5尊更係由杜莎夫人蠟像館專門為是次合作而製作，分別為麥當奴、夏士林、路達、侯夫同莫他拿的蠟像，而冼拿、咸美頓同維特爾的蠟像為重鑄，相當值得欣賞！無論你係車迷定係歷史控都會愛上，車迷們一定要把握機會潮聖～

而家博物館仲有期間限定特展——《澳門大賽車博物館 X倍耐力傳奇》輪胎主題特展，由2025年9月10日起至2026年3月2日，展出多條賽事輪胎款式，畀讓迷更深入了解大賽車的技術細節！另外，館內亦獨家放映獲得國際汽車影片大獎「最佳盛事影片」殊榮的《澳門賽車 輝煌延續》，帶領觀眾體驗跨越逾70年歷史的澳門大賽車傳奇之旅，機會難得！

同場仲有澳門大賽車博物館與永利再度合辦的《永利別注版巧克力超跑展》，展示全手工打造長達2.9米的雙重巧克力超跑藝術品，以幻彩塗鴉打造超跑外殼，超級壯觀！

行完大賽車博物館想揾地方歎杯咖啡chill吓，可以去隔離新開幕澳門首家大賽車主題餐廳「Grandstand Café 咖啡看台」，牆上設有特色打卡裝置、經典賽車油畫、方向盤，每個細節都充滿速度感，彷彿置身賽道！賽車迷朋友一齊去打卡就啱晒～

咁多精彩活動，食玩買行程一次過擁有，全部都唔可以錯過！一於約埋親朋戚友齊齊趁假期組隊嚟澳門玩返轉啦～