【澳門好去處2025】2025 UIM 澳門格蘭披治動力衝浪板世界錦標賽總決賽開鑼 免費觀賽！全新黑沙海邊美食嘉年華
Share to Friends!
年底嚟澳門，除咗要朝聖格蘭披治大賽車，仲有最熱血、最有節奏感的冬日海灘盛事等緊你！新濠博亞娛樂今年繼續同澳門動力衝浪板協會合辦，將 《2025 UIM 澳門格蘭披治動力衝浪板世界錦標賽總決賽》 帶到嚟路環黑沙海灘，帶大家感受「水上 F1」，帶嚟一場視覺震撼嘅競速大戰！今次唔只睇比賽，仲有全新美食嘉年華畀大家參與！想知點樣玩得最盡興？即刻睇埋落去啦！
《2025 UIM 澳門格蘭披治動力衝浪板世界錦標賽總決賽》
今次比賽係本屆世界錦標賽全球巡迴賽的第五站暨總決賽，賽事設有精英組、原廠組、青少年組、大師組等多個組別 ，保證精彩絕倫！作為澳門年尾必睇嘅體育盛事，今次比賽繼續選址喺澳門黑沙海灘舉行，全世界最頂級嘅動力衝浪好手將齊集澳門黑沙海灘，為世界冠軍寶座進行最後衝刺！
《2025 UIM 澳門格蘭披治動力衝浪板世界錦標賽總決賽》
今次比賽係本屆世界錦標賽全球巡迴賽的第五站暨總決賽，賽事設有精英組、原廠組、青少年組、大師組等多個組別 ，保證精彩絕倫！作為澳門年尾必睇嘅體育盛事，今次比賽繼續選址喺澳門黑沙海灘舉行，全世界最頂級嘅動力衝浪好手將齊集澳門黑沙海灘，為世界冠軍寶座進行最後衝刺！
動力衝浪板呢項運動喺 2019 年獲得國際摩托艇聯盟（UIM）嘅正式認可，運動員需要操控藉發動機產生動力嘅板體移動或表現動作，需要具備高度技巧同控制力方可駕馭，相當考驗運動員喺水上飛馳速度感同精準度，刺激度滿分！
想全程參與呢場水上盛會？就要 Mark 實以日期同時間啦！所有賽事同活動都免費觀看，唔使買飛，直接落場睇世界級比賽，超正！
《2025 UIM 澳門格蘭披治動力衝浪板世界錦標賽總決賽》
日期：2025年11月21日–23日
時間：上午8時至下午5時
網站：https://www.macaotourism.gov.mo/zh-hant/events/whatson/12357/
暖冬海岸市集
今次活動最吸引嘅亮點之一，就係首度推出全新概念的 「暖冬海岸市集」！除咗精彩嘅競速比賽，澳門黑沙海邊將變身嘉年華，現場仲會有海灘美食攤位畀大家望著海歎美食，仲有大人細路都可以參與嘅互動沙灘活動以及親子工作坊 ，仲可以畀大家了解最新水上運動裝備，打造節慶氛圍十足嘅冬日海灘，絕對係年尾打卡嘅絕佳地點！
暖冬海岸市集
日期：2025年11月21日至23日
時間：上午8時至下午5時
今年11月澳門活動夠晒豐富！活動集齊極速競賽、暖冬市集、海灘美食，絕對係唔可以錯過嘅假日好去處！大家記得把握機會，快啲約埋屋企人朋友，一齊近距離感受國際級賽事嘅魅力啦！