復活節必去！2026 COFFEE HONG KONG 強勢回歸西九 80+ 全球名店、冠軍咖啡師陪你嘆啡
Share to Friends!
咖啡控準備好未？全港最大型、最 Chill 的戶外咖啡盛事「2026 COFFEE HONG KONG@WestK」 宣布喺今年復活節假期回歸西九文化區藝術公園大草坪！活動去年吸引超過 5 萬人次入場，今年規模再升級，無論你係想歎杯高質咖啡、定純粹想搵個靚景放假輕鬆一下，呢場嘉年華絕對係你嘅首選！
80+ 本地與國際品牌大匯聚！冠軍級大師坐鎮
今年活動請嚟超過 80 個本地、內地同國際咖啡品牌同場競技。唔單止可以一次過飲勻世界各地嘅精品豆，仲有世界冠軍咖啡師親身表演！無論你鍾意濃厚香醇嘅深烘焙、追求層次感嘅手沖、定係視覺享受極致嘅拉花，咖啡師們都會用佢哋最拿手嘅絕活，呈現出屬於獨特嘅咖啡風味。
最令人期待嘅係，今年首度引入「咖啡師 x 調酒師」跨界碰撞，帶來「咖啡雞尾酒挑戰賽 Coffee × Cocktail Challenge」邀請咖啡與調酒愛好者同場較量。平時少見嘅精品咖啡雞尾酒，喺現場可以一次過試到！當專業啡香遇上微醺調酒，呢種 Coffee Cocktail 全新體驗，絕對會刷新你嘅味蕾想像。
人氣 Wednesday 藝術裝置 毛孩、親子打卡聖地
除咗飲啡，現場更加係一個大型生活嘉年華！今年特別同泰國人氣角色「Wednesday」跨界合作，設有大型主題藝術裝置。Wednesday 搞怪又可愛嘅形象，襯埋西九大草坪嘅海景影相簡直一流。
活動仲設有不同主題日，包括香港最大型戶外 DJ 咖啡音樂派對、親子足球挑戰、日出日落草地瑜伽體驗、寵物挑戰與人寵共融時刻，啱晒全家大細一齊玩！
BARISTA+ 延續啡香 讓獨立咖啡師被看見
除咗嘉年華，今年仲有「BARISTA+」企劃。呢個平台係專為獨立咖啡師而設，幫佢哋將品牌理念帶到大眾面前。「＋」代表更多可能： BARISTA+ 作為今次活動嘅合作夥伴，現場會設有專屬平台畀獨立創作者展示作品，等大家近距離同咖啡師交流。BARISTA+ 未來會以獨立店舖同快閃店形式持續運作，仲會定期搞分享會同品牌工作坊，未來仲會邀請本地同海外大師交流，由香港出發，打造一個連結全亞洲嘅咖啡文化網絡。
A CUP BEYOND CIRCLE 用一杯啡連繫世界
今次主題「A CUP BEYOND CIRCLE」標榜跨越圈子，無論識唔識咖啡都可以嚟現場感受呢份 Coffee Energy，重新定義亞洲咖啡文化。如果你都想撐吓香港本地品牌，快啲約埋班 Friend 買定飛入場啦！
2026 COFFEE HONG KONG@WestK 活動詳情：
日期： 2026 年 4 月 3 日（五）至 6 日（一）
時間： 11:00 – 20:00
地點： 西九文化區藝術公園大草坪