復活節好去處2026｜24大復活節打卡好去處攻略！西九咖啡節/充氣樂園/巨型貓咪造型裝置

復活節長假期即將展開，想好去哪裡慶祝了嗎？今年復活節，市區充滿了夢幻的大型藝術裝置、戶外市集與嘉年華，當中更有咖啡年度盛事香港咖啡節！無論你是想尋找療癒感的文青，還是想帶小朋友盡情放電的家長，這篇「10 大復活節好去處」懶人包都能滿足你～

1.Coffee Hong Kong 2026@WestK

咖啡愛好者又有口福啦!一年一度事「COFFEE HONG KONG@WestK」將於4月3至6日強勢回歸西九文化區藝術公園大草坪！今年以「A CUP BEYOND CIRCLE」為主題，全面升級品牌陣容、活動內容與現場體驗，一連四日匯聚超過80個國際頂尖咖啡品牌，並邀請多位世界冠軍級咖啡師親自坐鎮，為啡迷帶來極致沖調與跨界驚喜~每日更有限定派對、瑜伽、親子寵物活動及Coffee Cocktail跨界體驗，低至$60入場，復活節必去!

Coffee Hong Kong 2026@WestK
日期：2026年4月3日（星期五）至6日（星期一）
時間：11:00 – 20:00
地點：西九文化區藝術公園大草坪
門票: 入場門票為$60，
$220一日通行證(包含一張一日門票、一份官方限量禮品以及4個指定代幣，可用於兌換飲品、小食或體驗項目)

即睇詳情：https://bit.ly/4sJv2gL

2.荃灣廣場「卡牌玩樂祭」

今個復活節，荃灣廣場由4月3日至7日舉行嘅《CARD FEST》卡牌盛會，免費入場，超過70間攤位輪流登場，珍藏Pokémon卡、梵高系列、NBA運動卡、MAGIC：魔法風雲會等人氣系列齊集，仲有新手訓練家教學、卡牌比賽、稀有卡展覽同神秘禮物派送，無論你係資深卡迷定新手都可以投入卡牌文化氛圍。同場仲有Pokémon限定店，潮玩周邊一應俱全！而少女心滿滿嘅「Sanrio Smile 航空造型系列」限定店亦同步登場，夢幻打卡位加獨家新品，必定令粉絲心動不停手。加上童趣滿FUN賞、驚喜尋蛋、兒童市集，食買玩一次過滿足晒！

3.LocoBike 海濱單車共享同樂節

今個復活節假期，北角匯同 LocoBike 搞咗個「海濱單車共享同樂節」，真係啱晒一家大細或者同朋友去 chill！隨住東岸板道東段正式開通，北角至灣仔海濱已經成為最 hit 嘅「單車友善」打卡地，由 3 月 28 日至 4 月 12 日，每日都有 100 架免費單車，透過 App 即可解鎖，最多踩足 4 小時，輕鬆漫遊維港；仲有專業導師帶領嘅導賞團，帶你發掘海濱私藏打卡位；新手都唔使怕，現場有單車速成班，零基礎都可以學識踩；二期露天廣場更會變身單車主題區，設有 VR 互動遊戲同打卡位，玩到盡興又影到靚相～

4.Lifelike 角色聯『萌』期間限定店

今個春日，元朗 YOHO MALL I 中庭化身成迪士尼與彼思迷嘅夢幻天地！由 3 月 28 日至 4 月 19 日，Lifelike「角色聯『萌』期間限定店」正式登場，帶來超過 500 款限定及熱賣精品，當中包括 50 款全新首發同日本直送系列，集結《反斗奇兵》、《怪獸大學》、《反斗車王》、《玩轉腦朋友》、《優獸大都會》同《熊抱青春記》等六大經典動畫角色，粉絲同收藏家必定心動。現場仲有多個人氣角色打卡位，等你走入動畫故事世界，影相打卡一樣精彩！

5.LOG-ON香港真實人生鐵路

今個春日，LOG-ON帶你走入一條最貼地嘅「香港真實人生鐵路」！由 4 月 1 日至 5 月 13 日，主題店以鐵路站牌為靈感，結合打卡、創作同收藏三大元素，牆身砌滿繽紛馬賽克地圖，站名貼滿滿地「港味」潮語如「燒賣」、「撐住」、「好正」、「笑死我」，仲可以隨意拼換顏色同站名，親手砌出屬於自己嘅人生路線。每個週末及紅日限定嘅《人生鐵路馬賽克》工作坊，過百款貼紙同繽紛馬賽克任你揀，DIY 出一塊專屬嘅「港式鐵路牌」，幽默又貼地，記錄著港人最熟悉嘅日常風景。今次 LOG-ON 將鐵路文化同潮語生活融合，帶大家走入一趟極具本地味道又充滿創作感嘅城市旅程～

6.黃金海岸 尋蛋樂

想同小朋友一齊喺藍天草地望住碧海，開心玩盡復活節？今年 4 月 3 日至 6 日，黃金海岸「尋蛋樂」強勢回歸，超過 5 萬平方呎翠綠草坪任你放電！小朋友最愛嘅尋蛋遊戲再登場，仲加入環保元素，搵到「3D 打印彩蛋」就有大獎；「遙控挖泥車掘蛋大作戰」邊玩邊學 STEAM 概念；「大型滾蛋之旅」考驗手腳協調；「復活迷宮陣」同爸媽一齊追逐放電；仲有擲彩虹、拋圈圈等嘉年華 Happy Game贏獎品。愛手作嘅小朋友可以參加「升級再造工作坊」，親手整出環保又可愛嘅復活節禮物。玩到攰就去「復活美食市集」歎返本地製作嘅美食，享受黃金海岸獨有嘅大自然氛圍。入場仲送活動小冊子，內有餐飲優惠券，咖啡、mocktail、甜品即刻歎到，玩樂加美食一次過滿足晒！

7.西沙GO PARK 探索學 . 玩天地

西沙 GO PARK 又有新搞作！今年GO PARK推出以親子教育同運動玩樂為核心嘅「探索學・玩天地」（Learn & Play Hub）。第二期商場 GO PARK 2 佔地約 56,000 平方呎，定位更清晰，打造一站式「寓學於樂」地標。當中最吸睛嘅係 4 月中旬登場嘅戶外森林樹屋主題遊樂場「樹屋小天地」，兩座近 7 米高嘅樹屋雙子塔滑梯，令小朋友好似穿梭森林展開歷奇探索。配合復活節假期，西沙 GO PARK 仲會設置充氣復活蛋遊戲區同打卡位，於4月3日舉辦【童創玩樂節】，有童創嘉年華、教育商戶報班優惠、商場贈券派送，仲有兒童節親子半日營同人寵親子市集，互動體驗多元又好玩～

8.新都城中心 巨大化『蟲』林世界」充氣樂園 

今個復活節，將軍澳 MCP 新都城中心帶大家走入一個奇幻自然世界！商場聯乘新加坡人氣充氣樂園品牌 Jumptopia 以及香港昆蟲教育及科普中心，打造兩大沉浸式探索體驗，讓大小朋友一齊投入蟲鳴鳥語嘅「蟲」林探險。由即日起至 4 月 26 日，「MCP x Jumptopia 巨大化『蟲』林世界」以爬蟲及昆蟲為主題，Kiztopia 角色更以「異寵」造型全球首次亮相，小朋友可以勇闖 7 米高巨型「蛇」滑梯、挑戰炫彩燈光 6 米高變色龍滑梯，仲有 4 大主題玩樂專區盡情放電；場內更設有「爬蟲伏匿匿」與「動物小百科」互動挑戰，寓教於樂。粉絲仲可以同復活節萌兔 Raby 見面打卡，氣氛滿滿！同場「復活尋『蟲』記」親子探險體驗展出近 20 種珍奇生物，包括世界最長鍬形蟲同紅眼樹蛙，週末更有「蟲蟲特工隊」互動工作坊，帶小朋友走入爬蟲世界，邊玩邊學，展開一段知識與樂趣兼備嘅復活節探索之旅！

9.好運中心 扮工不搗蛋 EGG PARTY

打工仔最怕同事「搬龍門」，今個復活節好運中心就幫你「蛋」走煩惱！由即日起至 4 月 19 日，【扮工不搗蛋 EGG PARTY】正式開波，商場化身社畜快樂避難所，準備咗全港首個狂野蛋料理大對決，以試蛋價歎多款創意蛋系美食，邊食邊 recharge，返工都更有力！場內仲有「工德完滿六部曲」打卡玩樂，敲功德蛋儲功德、玩「儲蛋藥」大行動、勞碌戰馬「滾」蛋等互動遊戲，幫你自製 comfort zone；仲有答案之書 – office 篇，解答打工仔疑難雜症，再送上衝「特」料理衝擊味蕾。最後當然唔少得「扮工不搗蛋！市集」，搜羅一系列社畜 comfort food，勇敢面對職場！

10.LEGO 樂高®小車神

今個復活節，LEGO 汽車系列將拼砌樂趣同真實駕駛體驗結合，帶嚟全港首個「樂高®小車神」特訓班！由 3 月 28 日至 4 月 26 日期間，LEGO 香港聯同香港賽車學校及室內飄移車遊樂場 PowerPlay Arena，專為 6 至 12 歲熱愛汽車同駕駛嘅小朋友打造，讓孩子一邊砌 LEGO，一邊學習同體驗駕駛，展開一場充滿創意與速度嘅冒險旅程。完成特訓班嘅小車手更會獲頒「樂高®小車神」證書，仲送 $50 LEGO 購物現金券，絕對係家長同孩子復活節假期共享歡樂時光嘅最佳活動！

11.AIRSIDE比奇堡滋味派對

今個復活節，啟德 AIRSIDE 將會化身成繽紛海底奇幻世界，帶來期間限定「比奇堡滋味派對」！人氣角色海綿寶寶、派大星、章魚哥同蟹老闆首次登陸，陪大家潛入比奇堡嘅歡樂國度，一齊展開美食探險之旅。由 3 月 27 日至 4 月 23 日，場內有震撼巨型吹氣裝置，仲炮製出巨大化招牌食物，等你盡情打卡玩樂；三大創意打卡點更可以同角色互動，笑聲不斷。限定海綿寶寶手機繩 DIY 體驗亦同步登場，延續無限歡樂同創意驚喜，令復活節假期充滿童趣同歡樂！

12.Mikiki Lazy Corgi 春日農莊派對

春暖花開，復活節就係要放電同打卡！由 3 月 21 日至 4 月 12 日，新蒲崗 Mikiki 首度聯乘本地超人氣 WhatsApp 貼圖角色「Lazy Corgi」，打造全港首個「Lazy Corgi 春日農莊派對」，帶大家走入童話色彩滿滿嘅復活節度假之旅。商場中庭焦點必定係逾 3.5 米高嘅巨型充氣「Lazy Corgi」，有尾哥基換上超萌復活兔造型，抱住紅蘿蔔坐喺花海中央，周邊仲有巨型花壺、歐陸風車同鬱金香打卡位，唯美到好似走入繪本世界。場內設有 9 大農莊打卡位同互動玩樂區，大家可以化身小農夫，挑戰「趕雞仔回家」、「復活節滾蛋樂」同「哥基美食大挑戰」，完成任務仲有驚喜禮品送出。今個春日，快啲嚟 Mikiki 同 Lazy Corgi 一齊玩轉農莊派對，過一個充滿童趣嘅復活節！

13.淺水灣The Pulse EEG 25+ 嘉年華

英皇娛樂「25+ HAPPY BIRTHDAY 慶典」已經熱烈展開，為 5 月 4 日於啟德體育園主場館舉行嘅《恒生保險呈獻：25+英皇群星演唱會》全力預熱！由 3 月 28 日至 4 月 19 日，淺水灣 The Pulse 將化身成期間限定「英皇娛樂 25+ 嘉年華」，結合音樂表演、體能挑戰同互動遊戲，粉絲可以近距離同藝人互動。重點活動包括海邊限定音樂表演「BUSKING BY THE SEA」，以及復活節期間舉行嘅尋星城市任務「EEG 25+ RunHNT」，參加者只需兩人組隊，由 The Pulse 出發沿南區尋找隱藏明星應援物並掃碼得分，最快最高分完成任務嘅隊伍更可贏取演唱會門票。嘉年華開幕禮首日更有金像影后衛詩雅親臨現場，率先試玩「EEG 25+ Playground」攤位遊戲，並欣賞以「英皇 25 年經典音樂與電影美學」為靈感嘅三大互動打卡裝置。想知更多詳情，記得留意 The Pulse 官方社交媒體 @thepulsehk 公布！

14.愉景灣 沙灘獵蛋奇兵暨嘉年華

愉景灣年度親子盛事「沙灘獵蛋奇兵暨嘉年華」又嚟啦！今年踏入第 19 屆，將於 4 月 3 至 4 日復活節期間喺大白灣沙灘載譽歸來，繼續為小朋友帶嚟最經典嘅沙灘獵蛋樂趣。活動誠邀 3 至 10 歲小朋友參加，喺沙灘上尋找色彩繽紛嘅復活蛋，換取豐富獎品。大會更準備咗超過 50,000 份精美禮品同特別大獎，總值超過港幣 100 萬元，務求令每一位參與嘅小朋友都盡興而歸。復活節就嚟同家人一齊去愉景灣，享受陽光、沙灘同滿滿童趣嘅獵蛋派對吧！ 

15.昂坪 360 春日滋味派對

昂坪 360 迎來 20 周年，今個復活節特別聯乘本地經典品牌嘉頓，打造「春日滋味派對」，同港人一齊慶祝！由 3 月 25 日至 5 月 10 日，兩架限定主題水晶車廂將換上生命麵包經典藍白格仔包裝，萌爆登場，乘客可以邊坐纜車邊打卡。小朋友更有超抵價優惠，只需港幣 $30 就可以享受三大玩點：乘搭主題纜車、玩蓋章遊戲贏禮品、參加三文治工作坊，寓教於樂又充滿驚喜。無論係帶小朋友放電，定係同朋友打卡放空，今次「脆」味之旅都能滿足你嘅期待，讓復活節假期充滿童趣與美食滋味！ 

16.朗豪坊Rilakkuma's Enchanted Wishes POP-UP SHOP

朗豪坊今個復活節將會被輕鬆小熊施展魔法，化身成甜蜜夢幻的魔法樂園！由 4 月 1 日至 26 日，《Rilakkuma's Enchanted Wishes POP-UP SHOP》全球首度登場，3.5 米高的魔法師造型輕鬆小熊率領小白熊、小黃雞及茶小熊披上斗篷、戴上魔法帽，帶粉絲走入幻彩旅程。場內設有巨型魔法書、七彩神秘藥水瓶及魔鏡互動打卡位，讓大家與角色一齊「施法」。互動體驗區更可揭開魔法師的神秘工具，並於魔法扭卡機隨機獲取全球限量閃卡，留下獨一無二的回憶。同場限定商店更推出逾 30 款全球首發主題精品及逾 200 款日版原創新品，讓粉絲將夢幻時光延續至日常生活中。復活節就嚟朗豪坊，投入輕鬆小熊的魔法世界吧！ 

17.《幪面超人古迦 25 週年紀念：超 Kuuga 展》香港站

《幪面超人古迦》25 週年紀念展將於 3 月 28 日至 5 月 10 日在旺角 INCUBASE Arena 隆重舉行，粉絲絕對不能錯過！展覽以「從零開始的時代」為主題，首次公開平成首位英雄誕生的幕後故事，帶大家重溫古迦如何開創特攝新紀元。場內特設「誕生」展區，展出早期設計稿、影像資料等珍貴紀錄，深入揭秘角色設定與世界觀構築過程；「超立像」展區則以震撼大型立像配合沉浸式空間，重現古迦歷代型態的經典瞬間，敵對組織「古朗基」更會以全新立體造型首次登場，帶來強烈視覺衝擊。作為 2026 日本海外巡迴第一站，展覽更推出限時「冒險家計劃」，讓支持者尊享多項禮遇並優先獲取第一手資訊。今次展覽不單止係回顧，更係一場特攝迷必到的沉浸式冒險！

18.新港城中心 x Jumptopia復活島最勇登山隊

復活節長假期，馬鞍山 MOSTown 新港城中心化身成冒險基地！由即日起至 4 月 19 日，商場聯同 Jumptopia 打造「復活島最勇登山隊」主題歷險彈床遊樂區，首度引入完整故事線同多重感官特效，帶小朋友投入沉浸式叢林探險。全長超過 30 米嘅彈床設有三大挑戰：20 米長障礙賽道「勇氣試煉場」、史上最高 9 米垂直「神聖大山」、近千呎巨型彩色波波池「重啟快樂古城」，沿途更有特效加持，彷如親歷奇境。

人氣角色 Kiztopia Friends 嘅 Happy 仲會喺指定日子現身「週末見面會」，同大小朋友合照互動；粉絲亦可到「期間限定店」選購角色商品，或參加「扭扭兔工作坊」親手製作獨一無二嘅禮物。活動門票可於現場或 KLOOK 平台購買，每節名額有限，先到先得，售完即止。今個復活節，快帶小朋友加入登山探險隊，放電打卡一齊玩轉 MOSTown！

19.夢遊喵境

第三屆「西九家 FUN 藝術節」將於 3 月 19 日至 4 月 12 日橫跨復活節假期舉行，帶來超過 120 場合家歡藝術體驗，真係大人細路都啱玩！重頭戲係由英國創意工作室 Air Giants 打造嘅巨型互動藝術裝置《夢遊喵境》（The Cats that Slept for a Thousand Years），3 月 19 日至 4 月 7 日於西九藝術公園海濱東草坪作亞洲首展，免費開放。作品由原本單隻 10 米長巨型貓咪擴展成「兩大一小」貓咪家庭，融合聲音、燈光同互動元素，觀眾可以輕靠或撫摸貓身，感受呼嚕聲與心跳，喺都市節奏中享受片刻寧靜。

今年更首次同商場 ELEMENTS 圓方合作，將《夢遊喵境》延伸至社區，3 月 19 日至 4 月 12 日期間，三隻「迷你版」貓咪會進駐圓方，讓大家除咗去西九，亦可以喺商場感受藝術魅力。藝術節活動多元，打卡、互動、親子體驗一應俱全，絕對係復活節假期嘅好去處！

20.香港樂高®探索中心飆速「拼」戰

香港樂高®探索中心今個春日再度帶來驚喜！由 3 月 23 日至 5 月 18 日，特別舉行《飆速「拼」戰》活動，讓小朋友化身樂高®小車手，邊砌邊玩，感受速度與創意的火花。活動以寓創作於玩樂為宗旨，孩子們可以盡情釋放創意潛能，展開一場充滿冒險感的拼砌之旅。

最吸引的必定是全新推出的 樂高® VR 動感賽車體驗！小朋友只要坐上未來感十足的專屬座艙，戴上 VR 眼鏡，就能瞬間進入樂高®世界，親身感受極速狂飆的震撼。每個場景都暗藏巧妙心思，無論大人或小朋友都能享受沉浸式的賽車快感。這個活動不單止係玩樂，更係一次創意與速度並存的冒險，絕對係復活節假期親子好去處！ 

21.馬灣公園挪亞方舟 職感實驗室

馬灣公園挪亞方舟今個復活節特別為小朋友打造「職感實驗室」，由 4 月 3 日至 4 月 12 日（逢星期六、日及公眾假期）舉行，讓孩子化身「夢想實習生」，親身體驗多項職業挑戰！場內設有六大職能體驗區，包括：勇闖煙霧救人的「智勇消防員」、探索宇宙的「星際任務太空人」、操作建築挖掘機的「城市建設員」、體驗機艙工作的「小小菁英空服員」、研習車輛保養的「汽車動力守護員」，以及發揮創意的「薄餅小廚神」。小朋友更可穿上主題服飾，投入臨場感十足的互動場景，邊玩邊學，探索未來天賦！

22.黃竹坑首個大型藝術企劃 — 「SOUTHSIDE ARTival」

由即日起至5月10日，「SOUTHSIDE ARTival」於THE SOUTHSIDE商場中庭及不同位置展示超過30隻藝術蛋裝置，所有作品均由本地藝術家、品牌及南區學生為是次企劃度身創作。參與單位來自不同界別，涵蓋本地藝術家、時裝設計師、多媒體創作者、插畫家、書藝工作室、建築設計師及南區學生等，運用不同物料及風格，融合時裝、環保、霓虹、雕塑及多媒體等多元美學，創作出風格各異、匠心獨運的藝術蛋裝置，將THE SOUTHSIDE化身成大型藝廊，為香港3月增添獨一無二的藝術色彩。

23.東港城PICKLE JAM!

東港城於即日起舉行一系列「Pickle Jam!」匹克球主題活動，亮點包括「PICKLE JAM! 自由打」，讓顧客於商場猶於置身體育場館般，在舒適環境和專業設備下，避免受天氣影響，穿上輕便運動服飾，便能感受匹克球的輕快節奏與獨特魅力。指定日子更設有「PICKLEBALL! 體驗班」，由專業教練指導團體訓練，助你輕鬆掌握基本技巧與規則，逐步向匹克球高手之路進發！

24.荷里活廣場 「全民匹克球周暨全港學界挑戰賽」

全城熱話的匹克球（Pickleball）旋風強勢登陸荷里活廣場！這股集網球、羽毛球和乒乓球趣味於一身的新興運動熱潮，即將在今個春日燃燒得更旺盛。由4月3日至12日一連十天，荷里活廣場將聯乘中國香港新興運動協會及Nesa Pickleball，於商場1樓明星廣場舉辦「全民匹克球周暨全港學界挑戰賽」，將商場搖身一變成為三大標準匹克球場館，勢必成為全城運動愛好者的朝聖地標！