in

45歲謝安琪狀態超FIT!深夜派福利 性感小背心露香肩 網民大讚少女感十足~

現年45歲的謝安琪(Kay)是圈中靚媽,歌藝超群之餘外表保養得亦相當好,而且又會同老公張繼聰一齊做gym keep fit,被網民封為「最索人索」。早前她與老公首次以夫妻檔現身活動,更被不少人大讚逆齡生長,比起初出道時還顯年輕!Kay昨日(14/6)在Instagram上曬出多張靚相,照片中見到Kay罕有地穿上黑色小背心露出白滑膊頭,加上招牌的甜美笑容,看似20歲的少女,電暈一眾網友!

Kay在帖文中寫道:「由於我經常都搵唔到,一啲好明顯擺喺眼前,或者就咁擺喺枱面嘅東西,張先生一針見血地指出,係因為我眼睛太大了,佢認為我已經化身成受保護品種『眼大睇過龍』」。

接著Kay補充表示:「miss咗枱面啲雜物唔緊要,miss咗買飛日期就唔好啦」。原來繞了這麼大個圈就是宣傳自己與方皓玟於8月的表演節目,不少網民皆被Kay冧到暈陀陀,紛紛表示會買飛支持,就連陳茵媺、陳瀅、岑珈其等圈中好友亦留言大讚Kay狀態超fit,令人看到心心眼。更有人表示:「既然你『眼大睇過龍』,咁我今朝就『忠於買飛鳥』。