【#娛樂熱話】方力申再次挑戰極限！將於11月公海游35公里橫渡港澳為基層及SEN兒童籌款

方力申繼2019年成功完成環島游後，宣佈將會再度挑戰難度更高的公海海域！今次升格做人父嘅佢，決定以「為下一代而游」為信念，預告喺2026年11月19日展開長達35公里嘅港澳慈善游。

從香港游到澳門

今次路線由香港大嶼山雞翼角出發，一路橫渡公海游至澳門黑沙海灘，預計歷時約9小時。過程需要連續跨越三個水流完全唔同嘅水域，對體能同耐力絕對係極致考驗！

慈善游所得用途

活動籌得嘅款項會全數用作幫基層同特殊教育需要（SEN）兒童提供運動機會，捐款$100可以資助一位基層學生一年嘅運動裝備，捐$500可支持SEN學生一季訓練，而$1,000更能讓兩名學生參與全年籃球培訓，非常有意義！