【#GoGoRank】8/10 國際懶惰日開啟擺爛懶人Check list！你做過幾多項？
最新
Share to Friends!
今日（8月10日）係一年一度嘅「國際懶惰日」！放工返到屋企，你絕對有大條道理咩都唔做，將「擺爛」發揮到極致。今次 @gogo.rank 整理出 10 大屋企躺平偷懶指南，向左滑睇吓你今晚打算用邊幾招慶祝，一於名正言順做廢人！
No. 1 - 5：初階躺平
今晚一於「奉旨已讀不回」，開勿擾模式公事聽日先算；對住房嗰張堆滿衫嘅櫈「無視衣物山」視而不見；行多步都嫌攰，就算餐廳喺正樓下都「堅持叫外賣」；攤喺梳化「由得影片自動播」費事搵遙控；食宵夜仲要「用筷子夾零食」，完全慳返起身洗手嘅力氣！
No. 6 - 10：神級境界
堅拒洗碗碟，直接將「大桶雪糕捧住食」；張床實在太舒服，挑戰「極限忍尿」死忍到最後一秒先去；懶得起身寧願「用腳趾極限操作」㩒熄牆上開關；手機得返1%電寧願較暗個Mon「都堅決唔落床叉電」；最後點少得「洗澡無限拖延」，攤喺度玩手機呃自己陣間先沖，一路拖到凌晨！
你今晚又打算解鎖邊幾項？記得 @ 你身邊嗰位「懶癌末期」嘅老友👇
