【#娛樂熱話】當年初睇到心痛嘅話題神作竟然要出電影版？《章魚P的原罪》確定喺11月正式登上大銀幕！

絕望虐心神作震撼大銀幕

爆紅動畫《章魚嗶的原罪》確定登上大銀幕！官方最新公佈劇場版《章魚嗶的原罪 - 謝謝你，明天再見 -》將於2026年11月27日上映，今次電影版將電視動畫全6話內容精華重新剪輯，調整成適合戲院觀賞嘅電影長度，讓粉絲可以一次過喺大銀幕重溫呢部震撼人心的虐心神作！

加入獨家新場面

除了將原本嘅劇情濃縮剪輯之外，官方透露劇場版會加入全新獨家場景，除咗可以再次感受作者筆下看似治癒實則駭人嘅強烈反差外，仲可以期待新畫面帶來嘅補充故事。同時官方亦釋出咗章魚P同靜香互動嘅特別短片，為11月嘅上映正式拉開序幕！

《章魚P的原罪》故事簡介

《章魚P的原罪》自2021年喺Jump+連載以來，憑極致反差劇情迅速在網絡引起極高討論度，是一部「畫風最可愛、劇情最抑鬱」的現象級作品。內容講述來自快樂星的外星人「章魚P」為了將快樂散播到宇宙而來到地球，遇見了承受著欺凌痛苦的少女「靜香」，而兩人的相遇譜出了一段段令人沉重的悲劇。