【#旅遊玩食易】東京首創雙層迴轉壽司巴士！70分鐘遊車河邊放題食壽司

想過坐住巴士遊覽東京，仲有得無限量食迴轉壽司？10月起去日本又有最新噱頭行程可以體驗！

全球首架開篷迴轉壽司巴士

這部雙層觀光巴士將於10月喺東京正式試行，車廂二樓設有真實運行嘅迴轉輸送帶，一樓廚房師傅新鮮即握壽司後會升降傳送上二樓！乘客可以在70分鐘車程內，一邊暢食壽司放題，一邊欣賞銀座、澀谷十字路口、淺草等經典街景。
全車每次僅容納20位乘客，每日限開5班，預計每位收費約$800港幣，想搶鮮體驗絕對要密切關注！