【#一分Fact】點解榴槤令人又愛又恨？30% 基因決定聞到甜定臭！

同大家一齊食榴槤，一半人狂歡，一半人想報警？唔好怪朋友挑食，科學證實你覺得榴槤係香定臭，原來高達 30% 係由基因注定！

30% 基因密碼決定香定臭

人類約有 400 個嗅覺基因，當中 30% 因人而異。討厭榴槤的人，嗅覺受體對果肉中的「硫化物」極敏感，大腦會解讀為腐爛或排泄物；相反，喜愛的人則能接收「酯類」甜香，激發多巴胺帶來爽快感！加上第一次接觸時大腦「杏仁核」的情感記憶，直接決定了你一生的愛恨。

食完榴槤「吹波仔」會超標？

坊間傳聞食完榴槤開車「吹波仔」會超標，居然係真！因為榴槤含高濃度硫化物會干擾檢測儀，加上含糖量極高，接觸空氣後極易發酵產生微量酒精。建議各位榴槤控食完開車前記得先漱口，免生誤會！
👉 滑動睇榴槤背後的冷知識