【#愛生活】全港3大中秋花燈亮燈！藍屋/香港公園/利東街超靚打卡位

中秋節就快到，全港三大超靚中秋花燈打卡位已經正式亮燈啦！首先有每年都極受歡迎嘅灣仔藍屋，充滿舊香港風情嘅歷史唐樓前掛滿由街坊親手繪製嘅繽紛花燈，文青復古味極濃兼充滿社區人情味；而香港公園今年就大玩宇宙主題，湖面漂浮住巨型月亮同各款星球裝飾，更被網民笑指化身成「港版 Space Mountain」，趁微雨去影水面倒影仲自帶空靈夢幻嘅高級感！

利東街兩款不同巨型燈籠

另外當然唔少得利東街嘅「彩燈迎月」慶典，200 米林蔭大道掛滿逾 800 盞大紅燈籠同結合剪紙藝術嘅特色宮燈，去到 9 月 25 日中秋正日仲有全長 18 米嘅 LED 幻彩火龍震撼回歸！
今個中秋一於去影靚相感受濃厚嘅節日氣氛啦！
📸 @winnie.lam.k.c