【#娛樂熱話】🧟‍♂️喪屍迷注意！全球電玩改編經典《生化危機》（Resident Evil）迎來全新重啟版。今次講明回歸最初嘅「生存恐怖」根源，將會係一場驚心動魄嘅喪屍圍城大逃殺🎬！

平凡速遞員 變身玩命快遞

重啟版故事放喺一個平凡醫務速遞員 Bryan（Austin Abrams 飾）身上。一個平平無奇嘅夜晚，成個城市突然崩潰，淪為喪屍同生化怪物橫行嘅地獄。冇超能力、冇重火力裝備，主角只能夠靠自己喺無法律秩序嘅混亂之中，一路狂奔殺出重圍，壓迫感極重！

殺神編劇加持 90分鐘實時逃生

幕後班底非常有睇頭，由《宿劫》恐怖鬼才導演 Zach Cregger 親自執導，仲搵嚟《殺神 John Wick》編劇 Shay Hatten 共同執筆，確保嚇人之餘動作節奏一樣緊湊。全片更特別採用 IMAX® 特製拍攝，主打 90 分鐘緊貼主角視角狂衝，將末日浩劫嘅沉浸感推到最高，好似親身坐上亡命過山車一樣刺激💥

🎬 上映詳情

📌 電影：《生化危機》（Resident Evil）
📅 上映日期：9 月 17 日 大銀幕獻映