荃灣廣場冰雪樂園免費玩！6大雪地體驗 / 20米冰雪長廊

想喺香港感受白色聖誕嘅浪漫氣氛？2026年冬日荃灣廣場將會打造「The Coolest Xmas 零度冰雪樂園」，主打戶外玩雪體驗，精心打造6大動態冰雪遊戲同4大靜態極光雪境，唔使飛外國就可以玩冰雪滑梯、打雪仗兼睇戶外飄雪！即睇樂園玩樂重點同開放詳情！

免費玩6大戶外動態冰雪體驗

樂園將L5空中樂園打造成沉浸式戶外雪國，帶來罕有嘅戶外玩雪體驗，指定時間仲有浪漫飄雪登場，動態玩樂設施包括：

• 動感冰雪滑梯：體驗由高處俯衝而下嘅極速滑行快感。
• 零度雪橇飛馳：坐上雪橇喺戶外感受呼嘯而過嘅雪國飆速樂趣。

• 雪地挖掘機：親自駕駛迷你挖掘機探索雪地任務。

• 童趣堆雪樂園：發揮創意動手砌出專屬嘅獨一無二雪人。
• 雪球大戰：同親朋好友一齊互相拋擲雪球盡情玩樂。

• 戶外飄雪夢幻時刻：指定時間上映漫天飛雪，打造唯美冬日氛圍。

4大極光雪境打卡位！20米冰雪長廊＋5米高聖誕樹

除了動態遊戲，場內亦設有4大結合光影藝術嘅打卡展區，夜幕低垂後更有炫目極光燈光秀，打卡重點包括：

• 夢幻冰雪長廊：長達20米嘅銀白長廊，沿途有冬日小精靈同微光小冰屋。

• 冰雪星燈夢幻雪境：可愛小精靈配合點點星燈，充滿北歐童話色彩。
• 璀璨浪漫聖誕樹：逾5米高嘅高聳聖誕樹，掛滿閃爍燈飾與精緻擺設。

• 極光光影世界：入夜專屬嘅極光燈光藝術，璀璨光影交織銀白世界。

荃灣廣場「The Coolest Xmas 零度冰雪樂園」詳情

• 日子：2026年11月21日至2027年1月3日 
• 時間：平日下午3時至8時；星期六、日、公眾假期及指定日子下午3時至10時 
• 地點：荃灣廣場L5空中樂園 
• 入場方法：The Point 會員只須以 100 積分，並於即日到指定「即賺分」商戶消費滿指定金額（指定日子消費 門檻或有不同），即可換領 1 節體驗。每節體驗時間為 20 分鐘，並可 2 人同行。

圖片由荃灣廣場提供

以上資料以官方公佈為準。