MUJI推出全鋁合金行李箱！高級金屬質感 / 雙輪靜音密碼鎖

準備去旅行大買特買，一個靚又實用嘅行李箱絕對係必需品！最近日本 MUJI 官網無預警上架咗一款全新「全鋁合金硬殼行李箱」，一登場即刻掀起網民熱烈討論，更被廣大網民直呼為「平價版 Rimowa」，受歡迎到日本官網已經極速斷貨！

高級金屬質感全鋁合金箱身

今次 MUJI 擺脫咗以往常見嘅 PC 聚碳酸酯材質，為行李箱換上一身充滿科技感嘅金屬銀色。全鋁合金框架結構唔單止外觀高級感滿滿，仲非常堅固耐用，完美擊中一眾追求極簡美學同質感嘅旅人心。

雙輪靜音滾輪與安全密碼鎖

除咗外表夠靚，性能細節同樣誠意滿滿！新喼配備咗極致滑順嘅雙輪靜音滾輪，加上符合人體工學嘅 3 段式調節拉桿，推拉都極之輕鬆。最抵讚嘅係，今次設計終於由以往嘅鎖匙版本，大進化成「密碼鎖兼 TSA 海關安全鎖孔」，以後出國唔使再心驚膽跳怕唔見鎖匙，絕對係一大進步！

MUJI全鋁合金行李箱詳情

目前日本 MUJI 率先推出咗適合快閃旅行必備嘅 34L 登機尺寸，售價為 79,000 日圓（約折合 HK$3,928）。如果需要去長途旅行，官方另外亦備有 60L 容量可以選擇。最近準備去日本旅行嘅朋友，不妨去當地 MUJI 門市碰下運氣睇吓有冇現貨啦！