返工要正念入線上寺廟！ 爆紅百萬人湧入搞到Server當機要排隊打坐 (附連結)

各位經常感到生活壓力大嘅朋友注意！2026年韓國一名26歲待業青年因求職壓力過大，連出門放空都冇力氣，索性用AI研發出一座虛擬「線上寺廟」 sansatemple.com 供自己放鬆。點知短短3日即吸引60萬人次造訪，1星期內更突破100萬人次！線上寺廟甚至出現搶坐墊排隊潮。即睇詳細報導！

搵工壓力大激發創作靈感

呢位26歲嘅韓國後生仔因為搵工壓力太大，原本諗住去實體寺廟放空一下，但發現自己連行出門口嘅氣力都冇。於是佢靈機一觸，直接利用 AI 技術為自己編寫咗一座專屬嘅線上寺廟，本來只係打算整嚟畀自己玩吓減壓。

化身小沙彌線上打坐拜佛

玩家登入網站之後，就會化身成一個可愛嘅小沙彌。喺呢個虛擬空間入面，大家可以隨心所欲咁進行各種修行活動，包括打坐、拜佛同埋撥念珠，足不出戶就可以尋找心靈上嘅平靜。

3日湧入60萬人！坐墊由20個加至1萬個仍爆滿

估唔到網站一公開就引起極大共鳴，三天內瘋狂湧入60萬人次。最爆笑嘅係，因為太多人同時想「線上拜佛」，搞到虛擬寺廟竟然都要排隊！開發者見狀只好瘋狂加位，將原本得 20 個嘅坐墊激增至 1 萬個，最後連伺服器都頂唔順擠到當機。反映現代人極度疲累，連尋求安靜休息都演變成要跟 100 萬人競爭排隊嘅荒謬現實。

>>線上寺廟呢到玩<<