Diana Bag- Chanel 中古款的超級潛力股
2019年賣緊1萬中嘅Diana bag係一年之間已經升近2萬中。究竟係咩原因令呢款手袋可以喺短短一年之間有超過60%嘅升幅？
因為曾被英國戴安娜皇妃多次在公開場合中使用，所以坊間大多以Diana命名此包。
Diana bag主要分為三個尺寸，分別係22、25同較少有嘅30cm。而最受歡迎嘅尺寸正是戴妃生前愛用嘅22cm，加上近年細袋流行嘅熱潮，令價格不斷上漲。
而材質方面，分別為緞面、漆皮、羊皮同牛皮(俗稱魚子醬面)四種。亦因Diana Bag生產期只有短短八年時間(1989-1997年)，而牛皮嘅保存品較為稀少，同時被各大收藏家所追捧，所以價格極之高昂。相比市面專門店賣緊嘅新款包仲要貴出一大截，簡稱「炒到癲咗」。2020年8月，牛皮保全品係日本中古市場價格直逼4萬中港幣。
Diana bag顏色除咗較為常見嘅黑色以外，其實仲出咗多種不同顏色，例如白色、紅色、粉紅色、杏色、咖啡色等等。但最為保值同受歡迎，當然係經典耐看易襯嘅黑色配金色鏈條。
最後講到Chanel中古包，不得不提嘅就係當時嘅金屬配件，係真真正正電鍍上24K黃金，而CC logo上亦有刻印標明。所以Chanel中古包嘅金屬配件就算保存多年，仍然可以金光閃閃，正所謂物超所值。
提提各位靚靚Chanel中古Diana bag，由於已經停產多年，所以價格只會不斷飆升。而Chanel專門店每年亦不斷加價，直接影響中古市場價格。所以喜歡呢款中古包嘅靚靚們，如果覺得價錢合適最好盡快入手，免得自己後悔。正所謂早買早享受，遲買唔見多幾舊。