遇着緊要事，但又要喺條街聽錄音覺得好麻煩？終於等到WhatsApp出語音轉文字功能，無論幾長嘅錄音，一個掣就可以變成文字，對成日唔方便聽錄音嘅用家都相當友好！

設定方法

設定方法非常簡單，首先前往「設定」>「對話」>「語音訊息轉錄文字」，即可開啟或關閉轉錄文字功能，並選擇轉錄文字語言。完成設定後只需要長按訊息並點按「轉錄為文字」，就可以一鍵完成語音轉字。

睇完教學即刻想用，但係入到自己個設定就搵唔到？WhatsApp官方表示，轉錄文字功能接下來幾週內會在全球推出，一開始僅限於特定幾種語言，但會計劃在未來幾個月內擴大適用範圍。所以各位要畀啲耐心等吓啦！