今日今日，買個兩餸都要三、四十蚊，沙田一間小食店於下午茶時段，推出四款超抵食$12迷你飯，包括黑椒蘑菇、餐肉煎蛋、日式咖喱滑蛋或台式肉燥飯；超人氣卡邦尼蘑菇火腿意粉亦只需$15，絕對係糧尾恩物！
沙田一間小食店「為食貓」主打外賣粉麵飯和小食，每日2-6PM下午茶時段都有外賣$12迷你飯，選擇包括黑椒蘑菇、餐肉煎蛋、日式咖喱滑蛋或台式肉燥飯。迷你系列另有$15卡邦尼蘑菇火腿意粉選擇，小編3時到達時已經售罄，想食的朋友就要早點到了。
$12的份量足夠雀仔胃女生，或減肥中減食人士。1個唔夠食夠2個迷你飯，都係$24，或可另加小食飽肚。味道不錯，做到平靚正，大受街坊、上班族款迎。
除了迷你飯，小店還有多款粉麵飯和小食供應，例如$15有找的腸粉系列、還有多款炒麵、百搭麵、印尼撈麵配魚蛋燒賣等，價錢由$10至$35不等，絕對是窮人恩物！
為食貓
地址：沙田沙角街6號博康邨街市地下48號舖
營業時間：星期一至日：8am-6:30pm
圖/文字：PlayEatEasy