跟小編一齊衝出香港啦！上個月小編收到譚仔三哥嘅邀請，同三哥齊齊展開3日2夜東京麻辣之旅 ，一邊打卡一邊試勻所有限定美食！除咗可以率先試食譚仔三哥全新杯麵，仲可以歎埋新宿店三週年日本限定新MENU，「三粉」小編表示，正呀～

📍 Day 1：譚仔三哥 x HK Express 高空「辛品」試食會 ✈️

譚仔三哥今次聯乘HK Express，大搞譚仔三哥 x HK Express 空中新品發布會 ，將新品譚仔三哥麻辣湯杯麵帶上三萬呎高空，而小編就成為首批航班上試食麻辣杯麵嘅幸運兒，開心～登機之後，機艙已經充滿濃濃嘅「三哥味」，「三哥姐姐」更破格化身成空姐，親切地為大家送上限定麻辣湯杯麵，超有FEEL！

杯麵係三小辣麻辣湯底 ，開蓋瞬間，熟悉嘅麻辣香氣撲面而來，湯底完全還原三哥門市嘅麻辣湯，麻香十足又帶微微的辣勁，真係難以抗拒～重點係杯麵配料加入素墨丸同素腩肉 ，口感超豐富，素食朋友都可以放心食！

食完仲有限定紀念品，包括三哥登機證同杯緣子 ，好玩又有儀式感！第一次喺萬呎高空試食三哥杯麵，成就解鎖，大家之後搭UO都歎到三哥滋味啦～

📍 Day 2：三哥新宿店三週年慶祝活動 🎉

第二日同樣係重頭戲！三哥新宿店迎來三週年慶典 ，特別推出限定美食，作為三粉，點可以錯過？！今次三哥一共推出三款限定米線及特飲：

🍋 和風檸檬清爽雞肉米線 — 湯底帶微酸，啖啖檸檬清香夠清爽，啱啱唔鍾意食辣嘅清湯人士，雞肉滑嫩，整體味道超Refreshing，夏天食一流！

🌊 泰式海鮮冬蔭酸辣米線 — 冬蔭湯底超濃郁，海鮮鮮甜好足料，酸辣味道交織，成碗湯好夠層次，酸酸辣辣食完超級過癮！

🐚 蠔仔蛋花酸辣米線 — 湯底係三哥酸辣湯底，香香辣辣夠開胃！蠔仔份量唔手軟，粒粒鮮甜又飽滿，配合蛋花提升口感，海鮮迷必試！

🍓 草莓奶蓋杏仁豆腐奶茶 — 歎完米線緊係要歎返杯特飲！呢杯草莓奶蓋杏仁豆腐奶茶上層係Creamy奶蓋，啖啖都食到滑溜細膩嘅杏仁豆腐，配上微甜嘅草莓奶茶，甜而不膩，超滿足！

下次去日本，米線癮起，歎三哥都絕對係好選擇～