大熱天時去韓國便利店必飲嘅冰杯，如今香港OK便利店都有啦！OK推出冰杯＋飲品組合，飲品可自由組合由$10起、加$5有冰杯，$15就重溫到韓國夏天嘅味道，瞬間喺Threads引起關注！

：一秒回到韓國

網民試完大讚，表示$15就可以自製韓式冰美式，雖然價錢略貴、味道亦唔係重點，重點係有回到韓國嘅感覺，相當有Feel！

：$5/杯冰好貴？

都有唔少人批評$5買一杯冰好貴，亦有網民大讚香港便利商店引入新嘢係好事，反駁茶記凍飲都要加3蚊，便利店$5連膠杯/蓋，亦算合理，又有儀式感。

：許願香港都有藍色Lemonade！

買飲品加 $5 有冰杯，夏天出街行過買杯的話，價錢算合理。大熱天時飲係夏日救星，瞬間夢回韓國！但飲品味道好一般，無糖提子汽水充滿代糖味，希望會有韓國便利店嘅藍色Lemonade！

價錢還可，但味道一般

被Threads燒到，小編今日都落咗OK便利店睇，$10飲品選擇有2款咖啡、無糖提子汽水、蜜桃冰茶，加$5冰杯、$8檸檬冰杯，價錢尚為合理。味道嚟講，小編揀咗無糖提子汽水，雖然話無糖，但味道較甜，消暑嚟講的話還算唔錯！

你又會唔會試OK嘅冰杯過下癮呢？

授權：Threads @ cclouddddddd、 kaying.a、lhlaj